Sports
Eze Eberechi Kutua Arsenal Licha Ya Kumezewa Mate na Spurs
Mshambulizi wa Crystal Palace Eberechi Eze anatarajiwa kujiunga na Arsenal kwa pauni milioni 60 baada ya klabu hiyo kufikia makubaliano ya awali ya kumsajili mshambuliaji huyo Muingereza.
Jarida la BBC Sport limeripoti kwamba Eze anapendelea kuhamia Arsenal, klabu aliyowahi kuanza nayo soka ya vijana chipukizi, licha ya wapinzani wao wa kaskazini mwa London, Tottenham, pia kuwa kwenye mazungumzo ya kumsajili.
Kwa mujibu wa Fabrizio, makubaliano kati ya Spurs na Palace yalifikiwa jana baada ya mazungumzo ya siku 10, lakini mkataba huo haukukamilishwa.
Ombi la Arsenal pia linajumuisha nyongeza ya pauni milioni 8.
The Gunners wana wasiwasi kuhusu jeraha la goti alilopata mshambuliaji Kai Havertz, na Eze, mwenye umri wa miaka 27, atampa Mikel Arteta chaguo jipya la kushambulia mbele.
Kocha wa Crystal Palace, Oliver Glasner, alisema Jumatano kwamba Eze ataanza mechi ya Alhamisi ya mchujo wa Uefa Conference League dhidi ya Fredrikstad, sambamba na beki Marc Guehi anayehusishwa na Liverpool, kwa kuwa bado wako “wamejitolea kwa timu.”
Vyanzo vimeiambia BBC Sport kwamba Eze anatamani kujiunga na Arsenal kabla ya dirisha la usajili kufungwa Septemba 1.
Eze alipoteza bao moja baada ya kukataliwa wakati Palace ilipoanza kampeni ya Ligi Kuu England kwa sare dhidi ya Chelsea Jumapili.
Mshambuliaji huyo wa kimataifa wa England alikuwa na kipengele cha kuachiliwa kilichomalizika kwenye mkataba wake, ambacho kilikuwa na thamani ya pauni milioni 60 za awali pamoja na nyongeza ya pauni milioni 8.
Palace ilinufaika pakubwa na mabao 14 aliyofunga Eze msimu uliopita katika mashindano yote, yakiwemo yale ya ushindi wa 1-0 kwenye fainali ya Kombe la FA dhidi ya Manchester City.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
