Sports
Jannik Sinner Aibuka na Ushindi Dhidi ya Marin Cilic Beijing China Open
Jannik Sinner alimshinda Mcroatia Marin Cilic kwa seti 6-2, 6-2 siku ya Alhamisi na kutinga raundi ya pili ya mashindano ya China Open jijini Beijing, ikiwa ni mechi yake ya kwanza tangu alipofungwa kwenye fainali ya US Open.
Katika hatua inayofuata, mchezaji huyo nambari mbili duniani kutoka Italia atamenyana na Terence Atmane wa Ufaransa, aliyefuzu kupitia mchujo.
“Tulifanya kazi kubwa kurudi tena kwenye nafasi hii, kwa hiyo nina furaha sana,” Sinner alisema. “Nilikosa mashindano. Bila shaka unakuwa na wasiwasi, mashaka, na hiyo ni kawaida… lakini pia unapaswa kuwa na hamasa kurudi tena uwanjani. Kwa sasa najihisi vizuri kimwili na kiakili, na hilo ndilo jambo muhimu zaidi.”
Cilic mwenye umri wa miaka 36 alikuwa akitafuta kuvunja msururu wa matokeo mabaya tangu hatua ya 16 bora kwenye Wimbledon.
Seti ya kwanza ilikuwa na ushindani sawa hadi pale Sinner mwenye umri wa miaka 24 alipovunja servisi na kuongoza 3-2.
Muitaliano huyo aliendeleza kasi kwa kushinda michezo miwili mfululizo bila kupoteza pointi na kufunga seti ya kwanza kirahisi. Katika seti ya pili, Sinner alivunja mapema na kuongoza 2-1, kisha kuongeza hadi 5-1, akimzidi nguvu bingwa wa zamani wa US Open aliyeshika nafasi ya 97 duniani.
Mara nne bingwa wa mashindano makuu, Sinner, alihakikisha ushindi wa kawaida pale shuti la Cilic lilipogonga wavu.
“Nina heshima kubwa kwake,” Sinner alisema. “Nilifanikiwa kuvunja servisi yake mapema, jambo lililonipa kujiamini kuendelea vizuri.”
Baada ya kupoteza fainali ya New York na kupokonywa nafasi ya kwanza duniani na Carlos Alcaraz, Sinner ameahidi kuleta mtindo wa kushtua kwenye mchezo wake.
“Sidhani kama ni shinikizo limeondoka au bado lipo,” alisema Sinner, ambaye tayari ameshinda Australian Open na Wimbledon mwaka huu, akizungumzia mabadiliko ya viwango vya ubora.
“Nina furaha kubwa sana na msimu niliocheza, au ninaoendelea nao, kwa sababu ulikuwa wa kipekee upande wangu kutokana na mafanikio yangu, lakini pia kwa kile ambacho Carlos anafanya. Kwa sasa anastahili kuwa pale juu, ni rahisi hivyo tu. Amecheza mashindano mengi na kila moja kwa kiwango cha juu.”
Sinner sasa analenga kufika fainali yake ya tatu mfululizo Beijing, baada ya kushinda alipoanza kushiriki mashindano hayo mwaka 2023, kisha kupoteza kwenye fainali ya mwaka jana dhidi ya Alcaraz.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
