Sports
Kikosi Cha Timu ya Kenya Yatinga Fainali ya Wanawake 1500m kwa Wingi Tokyo
Timu ya Kenya itakuwa na wawakilishi watatu kwenye fainali ya wanawake mita 1500 katika Mashindano ya Dunia ya Riadha mjini Tokyo, baada ya bingwa mara tatu Faith Kipyegon, Nelly Chepchirchir, na Dorcus Ewoi kuonyesha ujasiri na juhudi kwenye nusu fainali Jumapili.
Nguvu ya Kenya katika mbio za umbali wa kati ilidhihirika tena pale ambapo Chepchirchir alishinda nusu fainali ya pili kwa muda wake bora wa 4:06.86, akimshinda Jessica Hull wa Australia kwa sekunde 0.01 pekee.
Kipyegon alithibitisha ubora wake kwa mara nyingine, akishinda nusu fainali yake kwa muda wa 4:00.34, na kufuzu kwa urahisi kwenye fainali. Mara tu nyuma yake alikuwepo Mkenya mwenzake Ewoi, aliyemaliza kwa muda wa 4:00.65 na kushika nafasi ya pili, hivyo kuhakikisha nafasi yake kwenye fainali.
Fainali ya mita 1500 sasa inatarajiwa kuwa moja ya mbio zinazovutia zaidi Tokyo, huku macho yote yakimlenga Kipyegon katika kutetea taji lake, na pia kuangalia iwapo nyota chipukizi Chepchirchir na Ewoi wataibuka.
Watatu hao kutoka Kenya sasa wanahesabiwa miongoni mwa wapinzani wakuu katika fainali ambayo inatarajiwa kuwa ya kusisimua.
Freweyni Hailu (ETH) na Sinclaire Johnson (USA) pia walifuzu miongoni mwa wakimbiaji waliokwisha jidhihirisha katika mbio hizo.
Hata hivyo, haikuwa furaha pekee kwa Kenya upande wa wanaume kwenye mbio za 10,000m na 100m.
-
Ishmael Rokitto Kipkurui, anayefanya mazoezi Marekani, alionyesha jitihada kubwa lakini akamaliza wa nne, huku Edwin Kurgat akishika nafasi ya saba.
-
Katika fainali yenye ushindani mkubwa na ya kuvutia, Jimmy Gressier wa Ufaransa aliwashangaza wengi kwa kutwaa dhahabu kwa muda wa 28:55.77, akimshinda Yomif Kejelcha wa Ethiopia aliyechukua fedha (28:55.83).
-
Andreas Almgren wa Sweden alimaliza nafasi ya tatu kwa muda wa 28:56.02.
Kipkurui, licha ya kuongeza kasi katika raundi za mwisho, alikosa medali kwa tofauti ndogo ya kusikitisha baada ya kumaliza kwa 28:56.48, sekunde chache nyuma ya mshindi wa shaba.
Ethiopia walibeba fedha, lakini ilikuwa ni Gressier wa Ulaya aliyeiba mwangaza, akawa Mzungu wa kwanza kushinda tangu Mo Farah mzaliwa wa Somalia alivyofanya hivyo mwaka 2017.
Mapema, bingwa wa mbio fupi wa Kenya Ferdinand Omanyala alikosa kufika fainali ya wanaume mita 100 baada ya kumaliza wa tano katika nusu fainali yake kwa muda wa 10.09, licha ya kuanza vyema.
Fainali hiyo ilishindwa na Oblique Saville wa Jamaica aliyekuwa bingwa mpya wa dunia, mbele ya Kishane Thompson (mjamaika mwenzake) na Noah Lyles wa Marekani.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
