Sports
Kilabu ya Arsenal Yapindua Meza Dakika za Mwisho, Wawachapa Newcastle 2-1
Kilabu ya Arsenal walipata ushindi wa kishujaa wa 2-1 ugenini dhidi ya Newcastle Jumapili, wakionesha mapema dhamira yao kwenye mbio za ubingwa wa Ligi Kuu ya England.
The Gunners walikuwa wakielekea kupoteza kwa mara ya nne mfululizo katika uwanja wa St. James’ Park baada ya kichwa cha Nick Woltemade kipindi cha kwanza kuwapa wenyeji uongozi.
Hata hivyo, Mikel Merino alisawazisha kwa kichwa safi kabla ya Gabriel Magalhães kufunga bao la ushindi dakika ya 96 kupitia kona, na kuipandisha Arsenal hadi nafasi ya pili, wakiwa pointi mbili tu nyuma ya vinara Liverpool.
Kichapo cha kwanza cha Liverpool msimu huu dhidi ya Crystal Palace siku ya Jumamosi kilifungua nafasi kwa Arsenal kusogea karibu kileleni mwa jedwali. Kwa muda mrefu, ilionekana vijana wa Mikel Arteta wangeacha nafasi hiyo iwapite, katika mchezo uliokuwa na mvutano mkubwa kule Tyneside.
Lakini jinsi walivyopata ushindi huo, itawapa Imani kwamba huenda huu ndio msimu wao baada ya kumaliza nafasi ya pili mara tatu mfululizo.
Dakika za mwanzo zenye msisimko
Uamuzi wa Arteta wa kucheza kwa kujilinda katika sare ya 1-1 dhidi ya Manchester City wiki iliyopita ulikosolewa sana. Safari hii hakuwazuia mastaa wake kwani Bukayo Saka na Eberechi Eze walirejea kikosini.
Eze karibu aweke alama yake ndani ya dakika tano za kwanza baada ya shuti lake la chini kuokolewa vyema na kipa Nick Pope.
Arsenal walikasirika dakika chache baadaye pale Pope alipoepuka kuadhibiwa kwa penalti. Mwamuzi Jarred Gillett alielekeza penati mwanzoni, lakini VAR ikamwita kukagua tukio na kubadilisha uamuzi baada ya kuonesha Pope aligusa mpira kabla ya kumwangusha Viktor Gyokeres.
Leandro Trossard pia alipiga shuti lililogonga mwamba, huku Arsenal wakiendelea kushinikiza. Lakini bao likafungwa upande wa pili dakika ya 34.
Woltemade aipa Newcastle uongozi
Alexander Isak mara nyingi amekuwa mwiba kwa Arsenal kwenye michezo ya hivi karibuni, lakini safari hii nafasi yake ilichukuliwa na Woltemade, aliyefunga bao lake la pili tangu kujiunga na Newcastle kama usajili wao wa rekodi.
Mjerumani huyo mwenye nguvu alimshinda Gabriel kwenye hewa na kupiga kichwa cha Sandro Tonali kilichoenda moja kwa moja nyavuni.
Arsenal wapindua mchezo
Arsenal walitawala kipindi cha pili lakini walipata ugumu kufungua ngome thabiti ya Eddie Howe. Pope tena alilazimika kuokoa kichwa cha Jurrien Timber.
Gyokeres, kama ilivyokuwa dhidi ya Manchester United, Liverpool na City, alishindwa kuonesha makali yake.
Hatimaye, kiungo Merino ndiye aliyewasha moto wa mapinduzi, akipiga kichwa kizuri kilichoelekezwa mbali kutoka krosi ya Declan Rice.
Newcastle walidhani wamepata nafasi nyingine ya ushindi, lakini safari hii VAR ikaipendelea Arsenal baada ya Gabriel kugusa krosi ya Anthony Elanga kwa mkono.
Brazil huyo baadaye akawa shujaa upande wa pili alipomshinda Pope kwenye kona ya Martin Ødegaard na kufunga bao la ushindi, likichochea shangwe kubwa kutoka kwa mashabiki wa Arsenal.
Bao hilo linaweza kuwa muhimu mno litakapokuja kuamua ubingwa mwezi Mei.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
