Sports
Kilabu ya Zetech Sparks watinga fainali baada ya kuisambaratisha Strathmore Swords
Baada ya kilabu ya Zetech Sparks mpira wa kupata ushindi wa kishindo dhidi ya Strathmore Swords katika nusu fainali za Ligi ya Mpira wa Kikapu ya Wanawake nchini Kenya na kufuzu fainali wikendi iliyopita, kocha mkuu Maurice Obilo alisifia uimara, nidhamu na moyo wa wachezaji wake.
Zetech walishinda mchezo wa tatu wa nusu fainali kwa alama 67-43 katika ukumbi wa Nyayo Gymnasium mwishoni mwa wiki, baada ya ushindi wao katika mechi ya kwanza na ya pili, 68-52 na 76-43, wiki moja mapema, na hivyo kufuzu fainali kwa mtindo wa kuvutia.
“Tulichukua kila mechi moja baada ya nyingine,” alisema kocha huyo.
“Nawashukuru sana wasichana kwa kuonyesha heshima na kucheza kwa moyo wao wote katika mechi zote tatu. Uaminifu wao na mshikamano wa kikosi ulikuwa wa kipekee. Kwa upande wetu, tulitekeleza kile tulichotarajia. Maandalizi, umakini na utekelezaji vilikuja pamoja uwanjani, na siwezi kujivunia zaidi jitihada zao,” aliongeza.
Kocha pia alitambua ubora wa wapinzani wao wa nusu fainali, akieleza changamoto kubwa waliyowakilisha.
“Haikuwa rahisi. Ilikuwa timu ngumu sana, kama tulivyotarajia. Timu ya chuo kikuu huleta changamoto kubwa kwenye mchezo, na ukikutana nao, unajua utakuwa mpambano mzuri. Ninawaheshimu wasichana hao, na pia namheshimu kocha wao. Najua wanachofanya, na tulitarajia wacheze hivyo,” alisema Obilo.
Baada ya ushindi huo wa mfululizo, Sparks sasa wanaelekeza macho yao kwenye fainali, wakiwa na motisha ya kuendeleza kasi yao huku wakibaki wanyenyekevu na wakiwapa wapinzani heshima.
Wanafunzi hao watakutana na Kenya Ports Authority (KPA), vigogo wa mchezo huo, katika michezo ya fainali itakayoanza wikendi hii mjini Mombasa kwa Game One na Game Two.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
