Sports
Mashindano ya Golf ya SportsBiz Africa kuanza Kigali Hii Leo
Kila kitu kimekamilika kwa Mashindano ya Golf ya SportsBiz Africa,makala ya tano ya Sunshine Development Tour East Africa Swing, yanayoanza leo katika Kigali Golf Resort & Villas.
Mashindano haya ya siku tatu yenye mashimo 54 yamevutia wachezaji 121 wa kulipwa na wa ridhaa wa kiwango cha juu kutoka nchi 16 za Afrika, Ulaya na Amerika Kaskazini.
Shindano hili litakuwa na zawadi ya dola 25,000 za Marekani, pamoja na pointi muhimu za Official World Golf Ranking (OWGR) na World Amateur Golf Ranking (WAGR).
Mkurugenzi wa Mashindano, David Kihara, alisema maandalizi yameenda vizuri na uwanja uko katika hali bora kabisa kuwapokea wachezaji wa kimataifa.
“Kuhusu maandalizi yetu, naamini tuko tayari. Uwanja uko katika hali bora, umependezesha vizuri sana na nyasi za kijani ni za kasi. Tunatarajia zitakuwa na mwendo wa takribani 11.
Sehemu yenye majani marefu ni magumu sana, hivyo wachezaji lazima wawe makini wanapopiga mipira yao ya golf,” alisema Kihara.
Akizungumzia wachezaji, Kihara alisema:
“Tunao washiriki wenye nguvu, karibu wa kimataifa, kutoka Uingereza, Kanada, Nigeria, Côte d’Ivoire, Zimbabwe, Zambia, Afrika Kusini na, bila shaka, kutoka maeneo mbalimbali ya Afrika Mashariki.
Hali ya hewa inatarajiwa kuwa nzuri kwa golf; kavu, upepo kidogo, lakini hakuna mvua, hivyo tuko tayari kuanza.”
Njoroge Kibugu wa Kenya, mshindi wa hatua ya Ruiru, ni miongoni mwa wanaopewa nafasi kubwa kwenye mashindano ya Kigali na amesema ana imani kubwa kuelekea kwenye michuano hiyo.
“Kushinda kule Ruiru kulinipa motisha kubwa. Kulinionyesha kwamba mchezo wangu unaweza kustahimili shinikizo. Kila mashindano ni tofauti, lakini ninajihisi nikiwa na imani na ari kubwa kuingia Kigali.
Nataka tu kuendeleza mwendo huu na kujiweka kwenye nafasi bora ya kushindana tena.”
Akirejelea ubora wa ushindani katika Swing, Kibugu aliongeza:
“Kiwango cha ushindani kimekuwa cha juu sana, ambacho kimenisukuma kuinua kiwango changu.
Funzo kubwa ni uvumilivu; huwezi kulazimisha mambo hapa. Ni lazima kuamini mchakato wako na kubaki na nidhamu.
Pia nimejifunza kuzoea haraka hali tofauti za viwanja, na nitachukua mtazamo huo hadi Kigali.”
Kibugu pia alibainisha maeneo aliyoyazoeza zaidi:
“Nimefanya kazi kubwa kwenye mchezo mfupi na upigaji wa mipira kwenye mashimo (putting), kwa sababu hapo ndipo mashindano mara nyingi hushindiwa au kushindwa. Pia nimezingatia usimamizi wa uwanja, kufanya maamuzi bora zaidi chini ya shinikizo.
Nikijumuisha hayo na uimara wangu kwenye mipira mirefu, nitakuwa kwenye nafasi nzuri.”
Mshiriki mwingine nguli, Dismas Indiza wa Kakamega Sports Club na bingwa wa Ruiru, ambaye amekuwa mmoja wa wachezaji waliovutia zaidi katika Swing, alisema yuko tayari kwa changamoto baada ya raundi nzuri ya mazoezi.
“Maandalizi yangu yamekuwa thabiti. Nimezingatia kuweka mchezo wangu makini na kuhakikisha putting yangu ni ya kudumu.
Raundi ya mazoezi hapa Kigali ilikuwa nzuri; uwanja uko katika hali bora, njia ni nyembamba na nyasi za kijani ni za kasi. Najua itahitaji usahihi na uvumilivu.
Lengo langu ni kubaki thabiti kuanzia tundu la kwanza na kujiweka kwenye nafasi nzuri kuelekea siku ya pili na ya mwisho.
Haitakuwa rahisi kwa sababu wachezaji ni wenye nguvu, lakini nina imani na mchezo wangu na nasubiri kwa hamu changamoto hii.”
Mashindano ya SportsBiz Africa Golf Championship yanadhaminiwa na SportsBiz Africa, Johnnie Walker (EABL), Kigali Golf Resort & Villas, na Pure Travel.
Tukio hili pia ni utangulizi wa Mkutano wa SportsBiz Africa 2025, kongamano la kila mwaka la siku mbili litakalofanyika Kigali kwa lengo la kukuza sekta ya michezo Afrika na kujenga mfumo thabiti wa biashara ya michezo kwa maendeleo endelevu.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
