Sports
Nairobi United Yarudi Kwa Ushindi Kwa Kuichapa Bandari FC Katika Ligi Kuu ya Kenya
Nairobi United imerejea kwenye njia ya ushindi baada ya kuilaza Bandari FC mabao 3–1 katika mechi ya Ligi Kuu ya Kenya (KPL) iliyochezwa Jumanne katika Uwanja wa Dandora.
Prince Buregeya, Enock Machaka, na Shami Kibwana waliifungia Naibois mabao muhimu yaliyosaidia timu hiyo kufuta kumbukumbu ya kipigo cha mabao 3–0 kutoka kwa Sofapaka, kilichokuwa mechi yao ya kwanza baada ya mafanikio yao kwenye Kombe la Shirikisho la CAF.
Kiungo wa kati Geoffrey Ojunga alifungia Bandari bao la kufutia machozi. Kipigo hicho kiliendelea kuongeza masaibu ya Dockers, ambao wamepata ushindi mara moja pekee katika mechi zao sita za msimu huu. Ushindi huo uliipandisha Nairobi United hadi nafasi ya sita kwenye msimamo wa ligi wakiwa na pointi tisa, huku Bandari wakishuka hadi nafasi ya 14 wakiwa na pointi sita.
Mchezo ulianza kwa kasi, huku Nairobi United wakitoa onyo mapema. Prince Buregeya alifungua ukurasa wa mabao dakika ya tano kwa mkwaju wa kona uliomchanganya kipa wa Bandari. Naibois walionyesha uimara wa safu yao ya ulinzi dhidi ya mashambulizi ya Bandari.
Bandari waliongeza nguvu na kusawazisha dakika ya 38 kupitia Geoffrey Ojunga, aliyepiga shuti kali la umbali mrefu lililomshinda kipa wa Naibois.
Kipindi cha kwanza kilimalizika kwa sare, licha ya dakika tatu za nyongeza.
Kipindi cha pili kilianza kwa uhai mpya, ambapo Nairobi United walipata penalti baada ya tukio kwenye eneo la hatari, na wakaitumia vyema kuongoza mchezo huo.
Enock Machaka alitumia vyema penalti hiyo na kuiandikia Nairobi United bao la pili dakika ya 56. Bandari FC walijibu kwa kufanya mabadiliko kadhaa, lakini hayakuleta tofauti yoyote katika mchezo huo.
Mbadala Shami Kibwana aliihakikishia Nairobi United ushindi dakika ya 85 kwa kufunga bao la tatu lililozima matumaini yote ya Bandari. Licha ya muda wa nyongeza wa dakika nne, matokeo yalibaki 3–1 kwa upande wa Naibois.
Ushindi huu unakuja kama motisha muhimu kwa Nairobi United kufuatia kipigo chao cha awali kutoka kwa Sofapaka. Kocha wa timu hiyo alionekana mwenye furaha, akihusisha uboreshaji wao katika kipindi cha pili na ubora wa mabadiliko yao ya mpira.
“Tuliruhusu bao kutokana na makosa ya mpito katika kipindi cha kwanza, na hilo ndilo eneo tulilotaka kulifanyia kazi. Nimefurahishwa kwamba tulishambulia zaidi katika kipindi cha pili, na hilo lilikuwa jambo chanya kwetu,” alisema kocha huyo.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Sports
Bingwa wa dunia mbio za mitaa 1500 Faith Kipyegon ateuliwa kuwania tuzo za kila mwaka za ‘Laureus World Sportswoman of the Year.’
Nyota wa mbio za masafa ya kati kutoka Kenya, Faith Kipyegon, amepata uteuzi wake wa tatu mfululizo kuwania tuzo ya Mwanamichezo Bora wa Kike wa Mwaka katika hafla maarufu ya Laureus World Sports Awards, hatua inayozidi kuthibitisha ubabe wake katika kizazi hiki cha wanariadha.
Tuzo hizo, zinazotambuliwa kimataifa kama “Oscars za Michezo”, huandaliwa na Laureus Sport for Good Foundation na hulenga kutambua mafanikio ya kipekee, uthabiti na mchango chanya wa michezo duniani.
Uteuzi wa Kipyegon kwa miaka mitatu mfululizo unaonyesha si tu kipaji chake, bali pia uimara wa kiwango chake cha juu kwa muda mrefu. Mwaka 2024 aliteuliwa baada ya msimu wa kihistoria wa 2023 ambapo alivunja rekodi tatu za dunia na kushinda dhahabu mbili katika Mashindano ya Dunia.
Mwaka 2025 alirejea tena kwenye orodha ya wateule kufuatia mafanikio makubwa katika Michezo ya Olimpiki ya Paris, ambako aliweka historia kwa kuwa mwanamke wa kwanza kushinda medali tatu za dhahabu mfululizo katika mbio za mita 1,500.
Sasa mwaka 2026, anawania tuzo hiyo tena baada ya kuvunja rekodi yake mwenyewe ya dunia ya mita 1,500 na kutwaa taji lake la nne la dunia katika msimu bora wa 2025.
Katika kinyang’anyiro cha mwaka huu, Kipyegon anakutana na ushindani mkali kutoka kwa nyota wengine wa kimataifa akiwemo Sydney McLaughlin-Levrone, Melissa Jefferson-Wooden, Aitana Bonmati, Aryna Sabalenka, na Katie Ledecky.
Uteuzi huu unaendeleza hadhi ya Kipyegon kama mmoja wa wanariadha bora zaidi duniani na fahari kubwa kwa Kenya katika jukwaa la kimataifa.
Vita vya Iran vyasambaratisha biashara za kimataifa.
Trump asema Marekani itasitisha vita dhidi ya Iran
