Sports
Barcelona waanza Vema Kilabu Bingwa,Manchester City pia ikipata ushindi
Mshambulizi wa Uingereza Marcus Rashford alifunga mara mbili huku Barcelona ikianza vema kampeni yake ya Ligi ya Mabingwa kwa ushindi wa 2-1 ugenini dhidi ya Newcastle United siku ya Alhamisi, huku Erling Haaland akifunga bao lake la 50 kwenye mashindano hayo katika ushindi wa Manchester City dhidi ya Napoli.
Usiku wa tatu mfululizo wa mechi katika raundi ya kwanza ya hatua ya makundi msimu huu pia uliwashuhudia Eintracht Frankfurt, Sporting Lisbon na Club Brugge wakipata ushindi mnono, huku FC Copenhagen ikilazimisha sare dhidi ya Bayer Leverkusen.
Mchezaji Rashford alikuwa bado anatafuta mabao yake ya kwanza akiwa na Barcelona kufuatia uhamisho wake wa mkopo kutoka Manchester United mwezi Julai, na alianza kwa kufunga kichwa akiunganisha krosi ya Jules Kounde muda mfupi kabla ya saa katika Uwanja wa St James’ Park.
Mchezaji huyo wa kimataifa wa England kisha akazidisha uongozi wa mabingwa hao wa Uhispania kwa shuti kali la mguu wa kulia kutoka nje ya boksi lililoingia moja kwa moja kwenye kona ya juu katikati ya kipindi cha pili.
Anthony Gordon aliifungia Newcastle bao la kufutia machozi, lakini Barcelona waliotolewa kwenye nusu fainali msimu uliopita walishikilia ushindi na kupata alama zao tatu za kwanza za msimu huu.
“Ni fahari ya kipekee kuchezea Barcelona. Nimekuwa shabiki mkubwa wa klabu hii kwa muda mrefu. Tunataka tu kushinda kadri inavyowezekana,” alisema Rashford.
Nusu karne ya Haaland
Manchester City ya Pep Guardiola, mabingwa wa Ligi ya Mabingwa 2023, pia walianza vyema baada ya kuwazidi nguvu mabingwa wa Serie A Napoli, kwa ushindi wa 2-0 katika Uwanja wa Etihad.
Mchezo huo uliathiriwa na kutolewa kwa nahodha wa Napoli Giovanni Di Lorenzo katikati ya kipindi cha kwanza, baada ya kumwangusha Haaland aliyekuwa akikimbia kuelekea langoni.
Hali hiyo ilimfanya kocha wa Napoli Antonio Conte kumtoa Kevin De Bruyne dakika ya 26 tu ya kurejea kwake uwanjani hapo, baada ya kung’ara kwa miaka kumi kabla ya kuondoka mwishoni mwa msimu uliopita.
Haaland kisha akaipa City uongozi baada ya kuunganisha krosi murua ya Phil Foden mapema kipindi cha pili. Bao hilo lilimfikisha jumla ya mabao 50 ya Ligi ya Mabingwa katika mechi zake 49 pekee.
Jeremy Doku aliiongezea City bao la pili, na kuwaacha Napoli bila ushindi katika ziara zao 13 dhidi ya timu za Kiingereza kwenye mashindano ya Ulaya.
“Takwimu zenyewe zinaeleza na ni bahati kubwa tuliyo nayo kuwa naye,” alisema Guardiola kuhusu Haaland, ambaye sasa ni wa 12 kwenye orodha ya wafungaji bora wa muda wote wa Ligi ya Mabingwa — bado akiwa na zaidi ya theluthi moja ya safari kufikia rekodi ya Cristiano Ronaldo ya mabao 141.
“Pamoja na wale ‘monsters’ wa miaka 15 hadi 20 iliyopita, Ronaldo na (Lionel) Messi, Erling yupo hapo. Kwa upande wa mabao yeye ni wa ajabu kabisa,” alisisitiza Guardiola.
Frankfurt wabeba tano
Frankfurt walikuwa washindi wakubwa wa usiku baada ya kuwacharaza Galatasaray 5-1, licha ya wageni hao wa Uturuki kufungua ukurasa kwa bao la mapema kupitia Yunus Akgun.
Club Brugge, waliokuwa wamefika hatua ya 16 bora msimu uliopita, walipata ushindi wa kishindo wa 4-1 nyumbani dhidi ya Monaco nchini Ubelgiji, huku penalti ya mapema iliyokoswa na Maghnes Akliouche kwa wageni ikigeuka kuwa ya maana sana.
Nicolo Tresoldi, Raphael Onyedika na Hans Vanaken wote walifunga katika kipindi cha kwanza kwa Brugge, na Mamadou Diakhon akaongeza la nne kabla ya Ansu Fati kufunga la kufutia machozi kwa Monaco.
Klabu ya Kazakhstan, Kairat Almaty, walitembea karibu kilomita 7,000 kwenda kucheza dhidi ya mabingwa wa Ureno, Sporting, na wakaondoka na kichapo cha 4-1.
Morten Hjulmand alikosa penalti ya mapema kwa Sporting, lakini Francisco Trincao alifunga mabao mawili kabla ya Alisson Santos na Geovany Quenda kufunga mfululizo kipindi cha pili.
Edmilson aliifungia Kairat bao la kufutia machozi, ambao sasa wanatarajiwa kuwakaribisha Real Madrid katika wiki mbili zijazo.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
