Sports
Kane afunga mara mbili, Bayern waizamisha Chelsea 3-1 kwenye Ligi ya Mabingwa
Mshambulizi Harry Kane alifunga mabao mawili na kuisaidia Bayern Munich kushinda Chelsea 3-1 nyumbani katika mechi yao ya kwanza ya Ligi ya Mabingwa siku ya Jumatano.
Winga matata wa taifa la Ufaransa Michael Olise alimshinikiza Trevoh Chalobah kufunga bao la kujifunga dakika ya 20, kabla ya Kane kushinda na kutupia penalti dakika saba baadaye.
Kiungo Cole Palmer alimalizia shambulizi la kasi na safi la timu dakika mbili baadaye na kuwarejesha Chelsea mchezoni. Lakini Kane alijitokeza tena katikati ya kipindi cha pili na kurejesha udhibiti upande wa Bayern.
“Ilikuwa mchezo wa kiwango cha juu dhidi ya timu nzuri sana,” Kane aliambia DAZN.
“Tulizungumza kabla ya mechi kwamba tunacheza dhidi ya mabingwa wa dunia wa klabu na tulipaswa kuwa makini tangu mwanzo na tulifanya hivyo.”
Nahodha wa England, Kane, alisema kukutana na timu za Ligi Kuu ya England kunampa motisha ya ziada “kucheza vizuri zaidi,” na Chelsea walijikuta wakiumia baada ya yeye kufikisha mabao 10 katika michezo sita tu msimu huu.
Alipoulizwa kama ubora wa ufungaji wa Kane ulimfanya kuwa bora zaidi duniani, kocha wa Bayern Vincent Kompany alisema:
“Tunaweza kuzungumza kuhusu kipaji na ubora, lakini ni kazi ngumu ndiyo inayomfikisha pale alipo. Kwa msingi wa kile nilichopitia katika miaka yangu bora ya uchezaji, hicho hakiwezi kubadilishwa.”
Hata hivyo, Kompany alikataa mapema wazo kwamba Bayern mabingwa mara sita ni miongoni mwa vinara wa mashindano hayo.
“Ni mchezo mmoja tu. Tuwe watulivu. Hii ni mwanzo tu.”
Nahodha wa Bayern Manuel Neuer pekee aliyebaki tangu fainali ya Ligi ya Mabingwa ya mwaka 2012 kati ya timu hizi mbili, ambapo Chelsea walishinda alifikisha ushindi wake wa 100 katika mashindano hayo. Sasa anawafuata Cristiano Ronaldo, Thomas Mueller na Iker Casillas pekee.
Bayern sasa wameshinda mechi zao 22 za kwanza za Ligi ya Mabingwa mfululizo tangu walipopoteza kwa Deportivo La Coruna ya Uhispania mwaka 2002.
– Makosa yaliigharimu Chelsea –
Kocha wa Chelsea Enzo Maresca alisema kikosi chake “hakiwezi kufanya makosa tuliyofanya,” lakini akaongeza kuwa “tunaweza kujenga kitu maalum kutokana na kichapo hiki. Kuna michezo mingine saba na pointi nyingi zaidi za kuvuna.”
Maresca alimrudisha Palmer na wachezaji wengine watatu kwenye kikosi cha kwanza, baada ya kukosolewa kwa kuwapumzisha baadhi ya nyota katika sare butu ya 2-2 dhidi ya Brentford siku ya Jumamosi.
Bayern walikuwa wameshinda mechi tano kati ya tano mwanzoni mwa msimu, lakini walichanganyikiwa mapema na kasi ya Chelsea, ambao waliwafunga wenyeji nyuma.
Bayern walipumua na kuanza kushambulia kabla ya kufungua ukurasa kupitia bao la kujifunga la Chalobah baada ya kushindwa kudhibiti krosi ya Olise.
Wenyeji waliongeza bao lao dakika chache baadaye baada ya Kane kufunga penalti. Moises Caicedo alisababisha penalti kwa kuingia ovyo kwenye boksi, lakini akasaidia Chelsea kurudisha mara moja kupitia shambulizi la kasi lililompa Palmer nafasi ya kufunga.
Bayern walichangamka dakika 10 baada ya kipindi cha pili kuanza, huku Konrad Laimer, Kane na Olise wakijaribu lakini kuokolewa na kipa.
Kane aliiongezea Bayern bao jingine muda mfupi baadaye, akitumia makosa ya pasi ya Malo Gusto na kutupia kona ya mbali.
Mchezaji huyo mwenye umri wa miaka 32 alitolewa uwanjani huku akishangiliwa na mashabiki wakati wa dakika za majeruhi, huku mkopo wa Chelsea, Nicolas Jackson, akiingia kucheza mechi yake ya kwanza ya Ligi ya Mabingwa dhidi ya klabu yake mama.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
