Sports
Kilabu ya Strathmore Leos Wazima Moto wa KCB, Wachukua Ubingwa wa Embu 7s na Kufanya Mbio za Taji Kuwa za Kusisimua
Kilabu ya Strathmore Leos mchezo wa raga waliwapiga viongozi wa misururu wa raga nchini kilabu ya KCB kwa alama 31-21 katika fainali kali ya Embu 7s iliyochezwa uwanjani Ngujiri Showground, na kupunguza uongozi wa KCB kwenye National Sevens Circuit hadi pointi tatu pekee, jambo lililofanya pambano la ubingwa kuwa wazi kwa yeyote.
Leos walianza kwa kasi ya umeme. Nygel Amaitsa alichukua pasi iliyoteleza ndani ya eneo la 22 na kukimbia urefu wote wa uwanja kufunga jaribio la kwanza, kabla ya Arnold Muita kuunda nafasi pembezoni na kumpa Victor Mola nafasi ya kuongeza alama.
Mabaya ya KCB kwenye mipira ya kuanzisha tena yakaendelea pale Stanlus Shikoli alipoadhibu mpira wa juu ulioachwa vibaya na kufunga jaribio la tatu.
Barnabas Owuor kisha akakata katikati ya safu ya ulinzi ya KCB kuongeza jaribio la nne, huku Muita akibadilisha mawili na kuwapa Leos uongozi wa 24-7 kufikia mapumziko.
KCB walirejea kwa nguvu baada ya kipindi cha mapumziko, wakitumia vyema kadi ya njano ya Gabriel Ayimba. Floyd Wabwire aligusa chini mara mbili mfululizo, huku Brian Wahinya akibadilisha yote mawili na kupunguza tofauti hadi alama tatu pekee, 21-24.
Inaonekana kasi ilikuwa ikihama upande wa KCB, lakini Strathmore walidumisha utulivu wao. Mbadala Samuel Wafula alitoa pigo la mauti, akipasua ulinzi wa KCB na kumshinda Vincent Onyala kufunga jaribio muhimu, Muita akiongeza alama za ziada na kufanikisha ushindi maarufu wa 31-21.
Awali, Strathmore Leos waliwatoa Menengai Oilers kwenye nusu fainali. Ilikuwa ni kisasi kitamu baada ya Leos kupoteza dhidi ya Oilers kwenye nusu fainali ya Christie 7s wiki iliyopita.
Menengai Oilers walimaliza nafasi ya tatu Embu baada ya kuwachapa MMUST 31-0, huku Kenya Harlequins wakiwafunga Kabras 15-5 kushinda nafasi ya tano.
Catholic Monks waliwazidi Mean Machine 15-5 kwa nafasi ya tisa, na Impala wakaibuka washindi wa mchuano wa nafasi ya 13 baada ya kuwafunga Nondescripts 19-5.
Kwa upande wa wanawake, Mwamba waliibuka mabingwa baada ya kushinda mechi zao zote kwa mfumo wa ligi ya mzunguko.
KCB bado wanaongoza msimamo wa jumla wa mzunguko wakiwa na pointi 66, lakini Strathmore wamekaribia wakiwa na 63, hivyo kuweka mashindano ya hatua za mwisho kuwa na msisimko mkubwa.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
