Sports
Kipa wa Manchester United, Andre Onana, Akamilisha Uhamisho wa Mkopo wa Msimu Mzima Trabzonspor
Kipa wa kilabu ya Manchester United kutoka Cameroon, Andre Onana, amekamilisha uhamisho wa mkopo wa msimu mzima kuelekea klabu ya Uturuki, Trabzonspor.
Mustakabali wa Onana katika Old Trafford ulikuwa na wasiwasi baada ya United kumsajili kipa wa Antwerp, Senne Lammens, kwa euro milioni 21 (£18.2 milioni) pamoja na nyongeza.
Onana mwenye umri wa miaka 29 alijiunga na United akitokea Inter Milan mwaka 2023 kwa ada ya awali ya euro milioni 51 pamoja na nyongeza ya hadi euro milioni nne, na akamaliza msimu wake wa kwanza na medali ya ubingwa wa FA Cup.
Hata hivyo, jeraha la misuli ya paja lilimzuia kushiriki na kikosi wakati wa maandalizi ya msimu, na akafanya kosa katika mchezo wake wa kwanza wa msimu mpya wakati United iliposhushwa hadhi baada ya kutolewa na Grimsby kwenye Carabao Cup.
Kufika kwa Lammens kulikuwa pigo la mwisho kwa Onana.
“Kipa wa Manchester United, Andre Onana, amejiunga na Trabzonspor kwa mkopo kwa kipindi chote cha msimu wa 2025/26, kutegemea kibali cha kimataifa na usajili,” United walithibitisha kupitia taarifa rasmi.
“Uhamisho huu umekamilika kabla ya dirisha la usajili la Uturuki kufungwa siku ya Ijumaa. Tunamtakia Andre mafanikio,” taarifa hiyo ya klabu iliongeza.
United watarudi uwanjani baada ya mapumziko ya mechi za kimataifa kwa mchezo wa ugenini dhidi ya wapinzani wao wa jadi, Manchester City, siku ya Jumapili.
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
