Sports
Manchester United yapata ushindi dhidi ya Chelsea na kumuondolea shinikizo kwa kocha Ruben Amorim
Mkufunzi Ruben Amorim ameonya kilabu yake ya Manchester United kuacha kujiletea ugumu usio wa lazima baada ya timu hiyo kumpunguzia presha kwa kupata ushindi wa 2-1 dhidi ya Chelsea Jumamosi.
Akiwa anapigania kuepuka kutimuliwa kufuatia mwanzo mbaya wa msimu, Amorim alipata afueni kubwa wakati kipa wa Chelsea, Robert Sanchez, alipotolewa nje kwa kadi nyekundu dakika ya tano pekee kwenye uwanja wa Old Trafford.
Bruno Fernandes aliwafungia United bao la kwanza haraka, bao lake la 100 kwa klabu hiyo katika mashindano yote, kwenye mechi yake ya 200 ya Ligi Kuu. Casemiro aliongeza bao la pili kabla ya kutolewa kwa kadi nyekundu kutokana na kadi ya pili ya njano mwishoni mwa kipindi cha kwanza. Trevoh Chalobah aliifungia Chelsea bao la kufutia machozi mwishoni, lakini United walishikilia ushindi wao ushindi wao wa pili pekee katika mechi sita za mashindano yote msimu huu.
United walikuwa wameanza mechi wakiwa karibu na eneo la kushushwa daraja, lakini matokeo hayo yaliwapeleka hadi nafasi ya tisa kwa muda, na kumpa Amorim nafasi ya kupumua.
“Ilikuwa muhimu sana. Nafikiri tulistahili, lakini kila mara tunajiletea ugumu,” alisema Amorim.
“Tulianza vizuri sana kwa uchezaji wa nguvu, tukisukuma mpinzani na kuonyesha tupo, hata kwa ajili ya mashabiki wetu. Bila shaka, kipa wao kutolewa kuliwasaidia sana, lakini tulikuwa na udhibiti, tulifunga mabao mawili. Halafu kila kitu kikiwa kinasonga vizuri, tukajiletea matatizo kwa kadi nyekundu ya Casemiro.”
“Kipindi cha pili nafikiri tulisimamia vizuri, lakini dakika 15 za mwisho zilikuwa ngumu sana. Wao walifunga bao na kisha tukateseka pamoja, lakini tulifanikiwa kushinda.”
Baada ya mwanzo mbaya sana wa msimu, Amorim alisifu jinsi United walivyojitahidi kwa nguvu ili kupata ushindi huo.
United walishindwa kushinda mechi mbili mfululizo za Ligi Kuu msimu uliopita, na Amorim amewataka wachezaji wake kuvunja rekodi hiyo wiki ijayo dhidi ya Brentford.
– Amorim anataka haraka ya matokeo –
“Wakati mwingine tunakuwa na nyakati ambapo tunahisi dharura ya kupata matokeo. Timu hii imeshaonyesha mara nyingi kwamba tuna dharura hiyo,” alisema.
“Leo tumeshinda. Ni jambo jema kushinda, lakini tusahau hilo na turudi kwenye hali ya dharura. Tunahitaji kushinda mechi inayofuata. Hilo ndilo jambo la muhimu zaidi.
“Kwa sababu katika klabu kubwa, si hisia za kusema: ‘leo tumeshinda vizuri, basi tupumzike kidogo’. Hapana, tunapaswa kurudisha dharura hiyo.”
Kocha wa Chelsea, Enzo Maresca, aliachwa na hasira baada ya mpango wake wa mchezo kuvurugwa na kadi nyekundu ya Sanchez.
Alipoulizwa kama angependelea kipa wake amwache Bryan Mbeumo afunge badala ya kumchezea faulo, Muitaliano huyo alisema:
“Ndiyo, huenda ingekuwa suluhisho bora kwa sababu bado tulikuwa na dakika 95 za kucheza.
“Nafikiri hata Robert anajua hivyo. Lakini pia ni ngumu kwa sababu ilibidi achukue uamuzi ndani ya sekunde moja au mbili. Hivyo, ni vigumu.”
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Sports
Wakili George Kithi akabidhiwa rasmi Cheti cha uenyekiti wa bodi ya Michezo marufu kama Sports Arts and Social Development Fund (SASDF)
Waziri wa Wizara ya Masuala ya Vijana, Uchumi bunifu na Michezo, Salim Mvurya, ameshudia hafla rasmi ya kukabidhiwa uenyekiti wa Bodi ya Sports, Arts and Social Development Fund (SASDF) kutoka kwa Luteni Jenerali Mstaafu Jackson Tuwei kwenda kwa Mheshimiwa wakili George Kithi. Hafla hiyo ilifanyika, jijini Nairobi hii leo.
Akizungumza wakati wa hafla hiyo, Waziri Mvurya alimpongeza Luteni Jenerali (Mstaafu) Tuwei kwa uongozi wake wa mfano na kujitolea kwake katika kipindi chake cha utumishi. Alibainisha kuwa chini ya uongozi wake, bodi hio iliimarika na kuwa taasisi imara na yenye mwitikio zaidi katika kusaidia na kuendeleza vipaji vya Wakenya.
Aidha, Waziri alieleza imani yake kwa uongozi wa Mheshimiwa wakili George Kithi, akimhakikishia ushirikiano na msaada kamili kutoka kwa Wizara katika kutekeleza majukumu ya Bodi kwa kipindi chake cha miaka mitatu.
SASDF inaendelea kuwa nguzo muhimu katika kulea na kukuza vipaji vya Kenya, pamoja na kuimarisha hadhi ya nchi kimataifa kupitia michezo na uchumi wa ubunifu. Kupitia uwezeshaji wa wanamichezo, wasanii na wadau wa utamaduni, mfuko huo unachangia pakubwa katika ukuaji wa sekta za michezo na ubunifu nchini.
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
