Sports
Neymar Alia Baada ya Santos Kuchapwa 6–0 na Vasco, Kocha Xavier Atimuliwa
Mshambulizi wa Brazil Neymar alia baada ya Santos kuchapwa mabao 6–0 nyumbani na Vasco da Gama.
Hasara hiyo ndiyo kubwa zaidi katika maisha ya Neymar ya soka na pia ilikuwa mara ya kwanza kwa Santos kuruhusu mabao sita nyumbani katika mechi ya Ligi Kuu ya Brazil (Serie A).
Mabingwa mara nane wa Brazil wako pointi mbili pekee juu ya eneo la kushushwa daraja, na kocha Cleber Xavier alitimuliwa saa chache baada ya mchezo wa Jumapili. Aliyekuwa mshambulizi wa Liverpool na Aston Villa, Philippe Coutinho, alifunga mara mbili na kusaidia Vasco kupata ushindi wao wa kwanza katika mechi sita za ligi, na ushindi wao mkubwa zaidi wa ligi katika kipindi cha miaka 17.
Neymar, ambaye bado ndiye mchezaji ghali zaidi duniani baada ya kujiunga na Paris Saint-Germain akitokea Barcelona kwa pauni milioni 200 mwaka 2017, alirejea katika klabu yake ya utotoni mwezi Januari baada ya kuvunja mkataba wake na Al-Hilal ya Saudi Pro League.
Mchezaji huyo mwenye umri wa miaka 33 alisaini mkataba mpya wa miezi sita mnamo Juni, na tangu arejee Santos amefunga mabao sita na kutoa pasi tatu za mabao katika mechi 21 za mashindano yote.
Mfungaji bora wa muda wote wa Brazil aliondoka uwanjani akiwa analia baada ya kuumia dakika ya 34 katika mechi yake ya kwanza ya kuanza msimu huu wa Serie A, kabla ya kukosa mechi tano zilizofuata za ligi kutokana na jeraha la msuli wa paja.
Xavier, mwenye umri wa miaka 61, alichukua usukani mwishoni mwa Aprili baada ya kufanya kazi kama kocha msaidizi katika klabu kadhaa za Brazil pamoja na timu ya taifa.
Santos walishinda mechi tano pekee kati ya 15 chini ya uongozi wake na sasa wako nafasi mbili pekee juu ya mstari wa kushushwa daraja, moja tu juu ya Vasco waliopanda kutoka nafasi za mwisho baada ya ushindi wa Jumapili.
Mjadala mkali umeibuka katika kipindi cha COCO Asubuhi baada ya Shuga Boy, shabiki wa Manchester United, kuweka dau zito na la kushangaza dhidi ya Main Man Rio ambaye ni shabiki wa Arsenal.
Akizungumza kwenye kipindi cha COCO Asubuhi, kinachoendeshwa na Tatu Sure—inayojumuisha Shuga Boy mwenyewe, Main Man Rio na Solomon Zully—Shuga Boy alifunguka, akidai kuwa Arsenal hawana uwezo wa kubeba hata kombe moja msimu huu licha ya matarajio makubwa kutoka kwa mashabiki wao.
Kwa mujibu wa Shuga Boy, mashabiki wa Arsenal wamekuwa wakijipa matumaini makubwa ya kutwaa hadi vikombe vinne, lakini hali halisi uwanjani haioneshi dalili hizo. Alienda mbali zaidi na kuweka dau la kipekee kwa Main Man Rio, ambaye ni shabiki mkubwa wa Arsenal.
“Nilimwambia Main Man Rio, wakibeba kombe nitampa gari yangu. Sasa naongeza dau—wakishinda kikombe msimu huu, nitampa gari yangu pamoja na dadangu,” alisema Shuga Boy kwa msisitizo, kauli iliyozua kicheko na mjadala mkali studio.
Kauli hiyo imekuja katika kipindi ambacho Arsenal wamekuwa wakionyesha ushindani mkubwa chini ya kocha Mikel Arteta, wakijijenga kama moja ya timu zinazowania ubingwa wa Premier League. Licha ya maendeleo hayo, ukosefu wa vikombe katika misimu mingi bado unawapa wapinzani wao nafasi ya kuwabeza.
Kwa upande mwingine, Manchester United nao wanapitia kipindi cha mabadiliko, wakijaribu kurejea kwenye ubora wao wa zamani waliouonyesha enzi za Sir Alex Ferguson. Licha ya changamoto, bado wana historia nzito ya mafanikio, jambo linalowapa mashabiki wao kujiamini wanapojadili soka la Uingereza.
Usiku wa leo, macho ya mashabiki yataelekezwa kwenye mchezo wa ligi kati ya Manchester United dhidi ya Leeds United—mchezo unaotarajiwa kuwa na ushindani mkali, huku Shuga Boy akitumaini timu yake itapata ushindi na kuendeleza presha kwa wapinzani wao.
Wakati mabishano yakiendelea mitandaoni na kwenye studio za redio, swali kubwa linabaki: Je, Arsenal wataweza kuwanyamazisha wakosoaji wao kwa kubeba angalau kombe moja msimu huu, au kauli ya Shuga Boy itageuka kuwa unabii?
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Biashara ya Mananasi yakabiliwa na changamoto Kilifi
Wakaazi watishia kuandamana kufuatia uhaba wa maji Kilifi
