Sports
Duplantis Awinda Taji la Tano Diamond League, Lyles na Tebogo Kukutana Zurich
Mshikilizi wa rekodi ya dunia ya kuruka kwa mlingoti, Armand ‘Mondo’ Duplantis, analenga kushinda taji lake la tano mfululizo la Diamond League hii leo mjini Zurich, jiji la Uswizi linaloandaa fainali za mashindano hayo wiki mbili tu kabla ya mashindano ya dunia jijini Tokyo.
“Nalazimika kuzingatia kwa makini, siwezi kulegeza kamba,” alisema Mswidi huyo aliyezaliwa Marekani, ambaye amekuwa katika kiwango cha juu, akiweka rekodi yake ya dunia ya 13 ya mita 6.29 mjini Budapest mapema mwezi huu.
“Matumaini makubwa ni bora kuliko kutokuwa na matumaini. Ni changamoto nzuri, kwa kweli,” aliongeza akizungumzia matarajio ya mashabiki kuhusu hali ya sasa ya mashindano ya kuruka kwa mlingoti.
Lyles dhidi ya Tebogo;
Mabingwa 26 waliobakia wa Diamond League watajulikana katika ratiba ndefu kwenye Uwanja wa Letzigrund siku ya Alhamisi.
Watazamaji wataweza kushuhudia nyota wakubwa wa dunia akiwemo Noah Lyles na Letsile Tebogo, mabingwa wa Olimpiki katika mbio za 100m na 200m.
Wawili hao watakabiliana katika mbio za wanaume za 200m, ambapo Tebogo kutoka Botswana anawinda taji lake la kwanza kabisa la Diamond League, huku Mmarekani Lyles akitafuta kushinda taji hilo kwa mara ya sita, rekodi mpya.
“Kwa kuwa mbio za Weltklasse Zurich ndizo za mwisho kabla ya mashindano ya dunia, nataka kukimbia kwa kiwango cha juu kabisa,” alisema Lyles, ambaye alilazimika kuridhika na medali ya shaba katika Olimpiki za Paris kwenye mbio za 200m zilizoshindiwa na Tebogo.
Bingwa wa Olimpiki na Diamond League, Julien Alfred, pia atashiriki katika mbio za wanawake za 100m, huku nyota wa 800m Emmanuel Wanyonyi na bingwa wa kuruka viunzi vya 400m Femke Bol wakilenga kutetea mataji yao.
Wengi wa wanariadha wamefuzu kwa fainali za Diamond League kutokana na pointi walizokusanya kwenye mashindano 14 yaliyopita, huku wachache wakipata nafasi kupitia tiketi maalum za kimataifa au kitaifa.
Hata hivyo, Jakob Ingebrigtsen hatashiriki katika mbio za wanaume za 1,500m kwa angali anauguza jeraha la msuli wa paja.
Mjadala mkali umeibuka katika kipindi cha COCO Asubuhi baada ya Shuga Boy, shabiki wa Manchester United, kuweka dau zito na la kushangaza dhidi ya Main Man Rio ambaye ni shabiki wa Arsenal.
Akizungumza kwenye kipindi cha COCO Asubuhi, kinachoendeshwa na Tatu Sure—inayojumuisha Shuga Boy mwenyewe, Main Man Rio na Solomon Zully—Shuga Boy alifunguka, akidai kuwa Arsenal hawana uwezo wa kubeba hata kombe moja msimu huu licha ya matarajio makubwa kutoka kwa mashabiki wao.
Kwa mujibu wa Shuga Boy, mashabiki wa Arsenal wamekuwa wakijipa matumaini makubwa ya kutwaa hadi vikombe vinne, lakini hali halisi uwanjani haioneshi dalili hizo. Alienda mbali zaidi na kuweka dau la kipekee kwa Main Man Rio, ambaye ni shabiki mkubwa wa Arsenal.
“Nilimwambia Main Man Rio, wakibeba kombe nitampa gari yangu. Sasa naongeza dau—wakishinda kikombe msimu huu, nitampa gari yangu pamoja na dadangu,” alisema Shuga Boy kwa msisitizo, kauli iliyozua kicheko na mjadala mkali studio.
Kauli hiyo imekuja katika kipindi ambacho Arsenal wamekuwa wakionyesha ushindani mkubwa chini ya kocha Mikel Arteta, wakijijenga kama moja ya timu zinazowania ubingwa wa Premier League. Licha ya maendeleo hayo, ukosefu wa vikombe katika misimu mingi bado unawapa wapinzani wao nafasi ya kuwabeza.
Kwa upande mwingine, Manchester United nao wanapitia kipindi cha mabadiliko, wakijaribu kurejea kwenye ubora wao wa zamani waliouonyesha enzi za Sir Alex Ferguson. Licha ya changamoto, bado wana historia nzito ya mafanikio, jambo linalowapa mashabiki wao kujiamini wanapojadili soka la Uingereza.
Usiku wa leo, macho ya mashabiki yataelekezwa kwenye mchezo wa ligi kati ya Manchester United dhidi ya Leeds United—mchezo unaotarajiwa kuwa na ushindani mkali, huku Shuga Boy akitumaini timu yake itapata ushindi na kuendeleza presha kwa wapinzani wao.
Wakati mabishano yakiendelea mitandaoni na kwenye studio za redio, swali kubwa linabaki: Je, Arsenal wataweza kuwanyamazisha wakosoaji wao kwa kubeba angalau kombe moja msimu huu, au kauli ya Shuga Boy itageuka kuwa unabii?
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
Biashara ya Mananasi yakabiliwa na changamoto Kilifi
Wakaazi watishia kuandamana kufuatia uhaba wa maji Kilifi
