News
Maelfu ya vijana wajitokeza kwa mradi wa NYOTA kaunti ya Kilifi
Maelfu ya vijana kutoka wadi mbalimbali eneo bunge la Kilifi kazkazini kaunti ya Kilifi wamehudhuria zoezi la kutibitisha majina ya wale waliofaulu katika mradi wa NYOTA.
Akizungumza na Wanahabari baada ya zoezi hilo, Katibu wa Wizara ya vijana nchini Fikirini Jacobs alisema mradi huo umelenga vijana 70 kwa kila wadi ambao watapokea shilingi elfu 50 kwa kila kijana ili kuanzisha biashara.
Jacobs aliongezea kwamba mradi huo utakaogharimu shilingi bilioni 20, unalenga vijana ambao walikosa nafasi za kuendeleza masomo yao baada ya kukamilisha kidato cha nne na darasa la 8 ambao bado wako chini ya umri wa miaka miaka 29.
“Huu mradi unalenga kuhakikisha vijana wa umri wa miaka 18 hadi 29 wananufaika na fedha hizi na zitapeanwa kuwa vijana na kila mmoja atapata shilingi elfu 50 za kuwasaidia,” alisema Fikirini.
Naye Naibu Kamishena wa eneo hilo Samuel Mutisya, aliwahimiza vijana kuchukua vitambulisho ili wasipitwe na nafasi za ajira zilizotangazwa na serikalini.
Kwa upande wao vijana waliohudhuria zoezi hilo wakiongozwa na Peter mweni, wameusifu mradi huo, wakisema utawasaidia kimaisha, japo wameitaka serikali kujumuisha vijana wote kwani kuwa wale waliosoma lakini hawana ajira.
Tume huru ya uchaguzi na mipaka nchini IEBC imeanza rasmi zoezi la kuwasajili wapiga kura wapya kote nchini, huku ikilenga kuwasajili wapiga kura milioni 6.2, kabla ya uchaguzi mkuu ujao.
Mwenyekiti wa Tume hiyo Erastus Ethekon aliwahakikishia wakenya kwamba makamishna wa tume hiyo watahakikisha uchuguzi mkuu ujao unakuwa huru, haki na uwazi.
Akizungumza katika kaunti ya Kwale wakati wa kuzindua wa zoezi la usajili wa wakipiga kura kote nchini, Ethekon alisema serikali imewekeza raslimali za kutosha za kufanikisha zoezi hilo.
“Nataka kuwahakikishia wakenya kwamba tumejipanga kama IEBC na tuko na raslimali za kutosha kuhakikisha zoezi la usajili wa wapiga kura linaendeshwa vyema na uchaguzi mkuu utakuwa huru, haki na wazi ili kuhakikisha wakenya wanatekeleza jukumu lao la kidemokrasia na hatua hiyo tutafikia idadi ya wapiga kura zaidi ya milioni 27”, alisema Ethekon.
Naye Naibu Mwenyekiti wa IEBC Fahima Araphat alisema tayari maafisa wapya wa IEBC elfu 12 wameajiriwa kuhakikisha zoezi hilo liendeshwa vyema ili kusajili idadi kubwa ya wapiga kura
“Sisi tunafanya kazi yetu bila kuegemea upande wowote wa kisiasa na tuko tayari kuhakikisha anashinda uchaguzi anatangazwa mshindi kwa haki, na kama tuko na makarani elfu 12 na wote wasajili wapiga kura wapya elfu 10 kila moja tutakuwa na idadi kubwa ya wapiga kura, sasa hiyo ndio tunalenga kupata”, alisema Fahima.
Kwa upande wake Gavana wa kaunti ya Kwale Fatuma Achani, aliipongeza tume hiyo kwa zoezi hilo endelevu la wapiga kura, akisema ni hatua ya kipekee kwa jamii ambazo zimekosa fursa ya kujisajili kama wapiga kura.
Taarifa ya Mwahoka Mtsumi
Zoezi endelevu la usajili wa wapiga kura kote nchini limeng’oa nanga huku maafisa wa Tume huru ya uchaguzi na mipaka nchini IEBC wakilenga idadi kubwa ya vijana katika zoezi hilo.
Katika kaunti ya Kilifi eneo bunge la Kilifi Kazkazini, zoezi hilo limefanyika katika vituo vinne tofauti huku idadi ndogo ya wapiga kura ikishuhudiwa licha ya vuguvugu la TUKO KADI kuanzishwa na vijana ili kuwajisajili wapiga kura.
Akizungumza na Wanahabari wakati wa zoezi hilo, Naibu Afisa wa usajili wa wapiga kura katika eneo bunge la Kilifi Kazkazini Abdul Mohammed aliwarai vijana kujitokeza kwa wingi na kujisajili.
Mohammed pia aliwarai vijana kukoma kutumiwa vibaya na wanasiasa kwa manufaa yao binafsi, akipongeza vuguvugu lilionzishwa na vijana la TUKO KADI kama njia moja ya kuwahamasisha vijana kujisajili kama wapiga kura.
“Tumeanza zoezi hili na tunawahimiza vijana wajitokeze kwa wingi na kujisajili kama wapiga kura ili kutumia nafasi hiyo kuchagua viongozi wanawataka na wala wasikubali kutumiwa vibaya na wanasiasa”, alisema Mohammed.
Kwa upande wao baadhi ya vijana waliojisajili waliwarai vijana wenzao kujitokeza kwa wingi na kushiriki zoezi hilo ili kuchagua viongozi wanaohisi wataleta maendeleo sawa na kubuni nafasi za ajira.
Taarifa ya Elizabeth Mwende
Vita vya Iran vyasambaratisha biashara za kimataifa.
Trump asema Marekani itasitisha vita dhidi ya Iran
