Sports
NBA na FIBA Kuandaa Kambi ya Kwanza ya Basketball Without Borders Afrika Mashariki Kigali, Rwanda Agosti 2025
Chama cha Kitaifa cha Mpira wa Kikapu (NBA) na Shirikisho la Kimataifa la Mpira wa Kikapu (FIBA) siku ya Jumatatu walitangaza kwamba kambi ya 21 ya Basketball Without Borders (BWB) Africa itafanyika katika Petit Stade jijini Kigali, Rwanda, kuanzia Jumamosi, Agosti 23 hadi Jumanne, Agosti 26, ikiwa ni mara ya kwanza kwa mpango wa NBA na FIBA wa kukuza mchezo wa mpira wa kikapu duniani na kufikia jamii kufanyika Afrika Mashariki, baada ya matoleo yaliyopita kufanyika Angola, Misri, Senegal na Afrika Kusini.
BWB Africa 2025 itawaleta pamoja wachezaji bora 60 wa kiume na wa kike wenye umri wa chini ya miaka 18 kutoka barani Afrika kote ili kujifunza moja kwa moja kutoka kwa wachezaji wa sasa na wa zamani wa NBA, WNBA na FIBA, nguli na makocha, na kushindana pamoja na wenzao kutoka kila pembe ya bara. Washiriki wa kambi na makocha, ambao majina yao yatatangazwa kabla ya kambi kuanza, pia watashiriki katika mafunzo ya ujuzi wa maisha, uongozi na uwajibikaji wa kijamii. BWB Africa 2025 itadhaminiwa na Nike, mshirika wa kimataifa wa BWB tangu 2002, ambaye atawapa washiriki mavazi na viatu vya michezo vya Nike.
Tangu mwaka 2001, BWB imefikia zaidi ya washiriki 4,600 kutoka nchi na maeneo 144, huku wachezaji 142 wa zamani wa kambi hizo wakiteuliwa kwenye NBA na WNBA au kusajiliwa kama wachezaji huru. Wachezaji 14 wa zamani wa BWB Africa wamechaguliwa kujiunga na NBA na WNBA tangu kambi ya kwanza ya BWB Africa mwaka 2003, akiwemo Joel Embiid (Philadelphia 76ers; Cameroon; BWB Africa 2011) aliyeibuka Mchezaji Bora wa Msimu wa Kia NBA 2023, bingwa wa NBA 2019 Pascal Siakam (Indiana Pacers; Cameroon; BWB Africa 2012) na chaguo namba 10 kwa jumla katika mswada wa 2025 Khaman Maluach (Phoenix Suns; Sudan Kusini; ana uhusiano na Uganda; BWB Africa 2023). Wachezaji 72 wa zamani wa BWB Africa wamewahi kujumuishwa kwenye vikosi vya Basketball Africa League katika misimu yake mitano ya mwanzo.
Mjadala mkali umeibuka katika kipindi cha COCO Asubuhi baada ya Shuga Boy, shabiki wa Manchester United, kuweka dau zito na la kushangaza dhidi ya Main Man Rio ambaye ni shabiki wa Arsenal.
Akizungumza kwenye kipindi cha COCO Asubuhi, kinachoendeshwa na Tatu Sure—inayojumuisha Shuga Boy mwenyewe, Main Man Rio na Solomon Zully—Shuga Boy alifunguka, akidai kuwa Arsenal hawana uwezo wa kubeba hata kombe moja msimu huu licha ya matarajio makubwa kutoka kwa mashabiki wao.
Kwa mujibu wa Shuga Boy, mashabiki wa Arsenal wamekuwa wakijipa matumaini makubwa ya kutwaa hadi vikombe vinne, lakini hali halisi uwanjani haioneshi dalili hizo. Alienda mbali zaidi na kuweka dau la kipekee kwa Main Man Rio, ambaye ni shabiki mkubwa wa Arsenal.
“Nilimwambia Main Man Rio, wakibeba kombe nitampa gari yangu. Sasa naongeza dau—wakishinda kikombe msimu huu, nitampa gari yangu pamoja na dadangu,” alisema Shuga Boy kwa msisitizo, kauli iliyozua kicheko na mjadala mkali studio.
Kauli hiyo imekuja katika kipindi ambacho Arsenal wamekuwa wakionyesha ushindani mkubwa chini ya kocha Mikel Arteta, wakijijenga kama moja ya timu zinazowania ubingwa wa Premier League. Licha ya maendeleo hayo, ukosefu wa vikombe katika misimu mingi bado unawapa wapinzani wao nafasi ya kuwabeza.
Kwa upande mwingine, Manchester United nao wanapitia kipindi cha mabadiliko, wakijaribu kurejea kwenye ubora wao wa zamani waliouonyesha enzi za Sir Alex Ferguson. Licha ya changamoto, bado wana historia nzito ya mafanikio, jambo linalowapa mashabiki wao kujiamini wanapojadili soka la Uingereza.
Usiku wa leo, macho ya mashabiki yataelekezwa kwenye mchezo wa ligi kati ya Manchester United dhidi ya Leeds United—mchezo unaotarajiwa kuwa na ushindani mkali, huku Shuga Boy akitumaini timu yake itapata ushindi na kuendeleza presha kwa wapinzani wao.
Wakati mabishano yakiendelea mitandaoni na kwenye studio za redio, swali kubwa linabaki: Je, Arsenal wataweza kuwanyamazisha wakosoaji wao kwa kubeba angalau kombe moja msimu huu, au kauli ya Shuga Boy itageuka kuwa unabii?
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
EACC yafaulu kurejesha shilingi bilioni 7.8 zilizoporwa.
Biashara ya Mananasi yakabiliwa na changamoto Kilifi
