Business
CBK: Bei za bidhaa za chakula zaendelea kupanda
Utafiti wa hivi karibuni uliofanywa na Benki Kuu ya Kenya (CBK) katika sekta ya Kilimo umebainisha kuwa kuna ongezeko la bei ya bidhaa muhimu za chakula, ikiwemo Mahindi, Sukari, na Mafuta ya kupikia.
Ripoti hiyo ilionyesha kuwa mabadiliko haya ya bei yanachochewa na sababu mbalimbali za kitaifa na kimataifa, zenye athari kubwa kwa walaji wa kawaida na sekta ya biashara kwa ujumla.
Kwa mujibu wa CBK, bei ya Mahindi imekuwa ikiongezeka tangu wiki za mwisho za mwezi Mei.
Hali hii imepelekea ongezeko la bei ya paketi ya kilo 2 ya unga wa Mahindi kwa wastani wa shilingi 6, hatua ambayo wasagaji wa unga wa Mahindi wameitaja kuwa imesababishwa na uhaba wa Mahindi sokoni.
Kukabiliana na changamoto hiyo, Wizara ya Kilimo nchini imeingilia kati kwa kusambaza magunia laki mbili ya Mahindi kwa wasagaji mbalimbali kote nchini, ili kusaidia kudhibiti bei na kuhakikisha upatikanaji wa unga kwa wananchi kwa gharama nafuu zaidi.
Wakati huo huo, bei ya sukari na mafuta ya kupikia pia inatarajiwa kuendelea kupanda.
Ongezeko hili linahusishwa na mabadiliko ya bei katika masoko ya kimataifa, hasa kutokana na kupungua kwa uzalishaji katika baadhi ya nchi zinazouza bidhaa hizo kwa wingi, pamoja na gharama za usafirishaji zinazoendelea kuongezeka.
Wafanyibiashara wa mitumba katika soko la Diani, kaunti ya Kwale, wamelazimika kufunga biashara zao kutokana na kudorora kwa shughuli za kibiashara katika kipindi hiki cha msimu wa watalii wachache na mvua zinazoendelea kushuhudiwa katika eneo hilo.
Wafanyabiashara hao wanasema idadi ya wanunuzi imepungua kwa kiasi kikubwa, hali iliyosababisha nguo nyingi kukosa soko.
Kulingana na wafanyibiashara hao wanategemea zaidi watalii wa ndani na nje na kutokana na msimu huu kuwa uko uko chini wateja wamepungua hali inayofanya maisha kuwa mgumu.
Wanasema wamelazimika kutupa baadhi ya nguo kwani zimesalia sokoni kwa muda mrefu hadi zingingine kuharibika, jambo ambalo limepelekea kupata hasara kubwa.
Aidha, wameongeza kuwa bei ya nguo za mitumba imeendelea kupanda ambapo wananunua ngunia moja kwa shilingi elfu 40 huku mauzo yakizidi kushuka.
“ Biashara imedorora sai kwani hakuna wateja ikizingatiwa kuwa tunategemea sana watalii na sasa hakuna wageni hata imetulazimu kutupa nguo kwani ngigi zimeharibika baada ya kukaa kwa mda mrefu bila kununuliwa”.
Taarifa ya Pauline Mwango
Mamlaka ya Kilimo na Chakula nchini AFA, imekuwa mstari wa mbele kuhakikisha taifa linaboresha mazao yake na kuchangia uzalishaji wa chakula nchini.
Hatua hii imechangia zaidi na mikakati endelevu ya kuwawezesha wakulima kufahamu mipango endelevu ya uimarishaji wa Kilimo cha sasa na kwa kuzingatia utumiaji wa mifumo bora ya kilimo.
Mamlaka hiyo ambapo inaendeleza kampeni ya kuhamisha wakulima kuhusu umuhimu wa kilimo cha Korosho imesisitiza haja ya ujumuishaji wa wakulima, wawekezaji na wadau mbalimbali ili kupiga jeki sekta ya Kilimo huku ikiahidi kuendeleza hamasa kwa jamii za kaunti za Pwani kuhusu kilimo cha korosho na utafutaji wa soko huru.
Katika Kongamano la kitaifa lililoandaliwa katika kaunti ya Kwale, Mamlaka hiyo iliwapa wakulima kutoka kaunti sita za Pwani miche ya mikorosho elfu mia moja katika juhudi za kukuza kilimo cha zao hilo nchini.
Katibu katika Idara ya Kilimo nchini Paul Kiprono, alisema mpango huo unalenga kuwawezesha wakulima kuongeza uzalishaji wa korosho na kuchangia ukuaji wa uchumi wa taifa.
Akizungumza wakati wa ufunguzi wa kongamano hilo, Kiprono alitoa wito kwa serikali za kaunti pamoja na wadau wa sekta ya kilimo kushirikiana kwa karibu ili kuboresha kilimo cha korosho.
“Kenya ilikuwa ikiongoza katika zao la mkorosho katika miaka ya 1990 lakini kutokana na changamoto za kibiashara zao hilo lilishuka katika masoko ya kimataifa kutokana na ukosefu wa kuwekezaji kwa wakulima lakini sasa tumeanza kupiga hatua kwani tunazalisha zaidi ya tan elfu 9 za korosho”, alisema Rono.
Kwa upande wake, Mwenyekiti wa AFA, Cornelly Serem, alisema mamlaka hiyo imejizatiti kuboresha kilimo cha korosho kupitia utoaji wa miche bora na mafunzo kwa wakulima ili kuongeza tija.
Taarifa ya Mwanahabari wetu
Wanaomiliki silaha haramu kaunti ya Tana river waonywa
Mahakama kuu yamzuia Kingi na Wetangula kujihusisha na siasa
