Sports
Malkia Strikers Watangaza Kikosi cha Mwisho cha Wachezaji 14 kwa Kombe la Dunia la Voliboli FIVB 2025 Nchini Thailand
Shirikisho la Voliboli nchini Kenya (KVF) mapema leo limetangaza kikosi cha mwisho cha wachezaji 14 wa Malkia Strikers kitakachoshiriki mashindano ya Dunia ya FIVB 2025 yatakayofanyika kuanzia Agosti 22 hadi Septemba 7 nchini Thailand.
Jumla ya wachezaji 17 walikuwa kwenye kambi ya mazoezi ya ndani katika ukumbi wa mazoezi wa Uwanja wa Nyayo jijini Nairobi.
Wakati huo huo, wachezaji wawili wamejumuishwa kama washirika wa mazoezi, nao ni mshambuliaji wa upande wa nje wa DCI Sarah Namisi na mzuiaji wa kati wa Kenya Pipeline, Marriane Sokoiyo.
Kikosi hicho kinatarajiwa kuondoka nchini kuelekea Vietnam kwa mechi za kirafiki dhidi ya Vietnam na Uhispania kabla ya kuelekea Thailand tarehe 20 Agosti kwa ajili ya mashindano ya dunia. Timu hiyo itasafiri kwa awamu mbili; kundi la kwanza liliondoka Alhamisi usiku huku kundi la pili likitarajiwa kuondoka Ijumaa.
Kenya imepangwa Kundi “G” pamoja na Poland, Ujerumani na Vietnam.
Wakati wa kutangazwa kwa kikosi hicho, alikuwapo pia Frank Ochieng, Meneja Masoko wa Mozart Bet ambaye ni mdhamini mkuu wa Malkia Strikers.
Kikosi cha Malkia Strikers:
-
Wapigaji mipira (Setters): Emmaculate Nekesa, Fridah Boke
-
Wakombozi (Liberos): Cellestine Nyongesa, Sharleen Maywa
-
Washambuliaji wa kushoto: Juliana Namutira, Meldine Sande (nahodha), Veronica Adhiambo, Daisy Leting
-
Washambuliaji wa kulia: Pamela Adhiambo, Mercy Iminza, Marlyne Tata
-
Wazuiaji wa kati (Middle blockers): Gladys Ekaru (naibu nahodha), Belinda Barasa, Lorraine Chebet
-
Washirika wa mazoezi: Sarah Namisi na Marriane Sokoiyo
Maafisa wa Timu:
-
Kocha Mkuu – Geoffrey Omondi
-
Makocha Wasaidizi – David Muthui, Esther Jepkosgei
-
Mkufunzi wa viungo – Mavisi Azenga
-
Mkuu wa msafara – Paul Bitok
-
Mlezi wa Timu – Neddy Nelimo
-
Mtaalamu wa tiba ya viungo – Sarah Karongo
Mjadala mkali umeibuka katika kipindi cha COCO Asubuhi baada ya Shuga Boy, shabiki wa Manchester United, kuweka dau zito na la kushangaza dhidi ya Main Man Rio ambaye ni shabiki wa Arsenal.
Akizungumza kwenye kipindi cha COCO Asubuhi, kinachoendeshwa na Tatu Sure—inayojumuisha Shuga Boy mwenyewe, Main Man Rio na Solomon Zully—Shuga Boy alifunguka, akidai kuwa Arsenal hawana uwezo wa kubeba hata kombe moja msimu huu licha ya matarajio makubwa kutoka kwa mashabiki wao.
Kwa mujibu wa Shuga Boy, mashabiki wa Arsenal wamekuwa wakijipa matumaini makubwa ya kutwaa hadi vikombe vinne, lakini hali halisi uwanjani haioneshi dalili hizo. Alienda mbali zaidi na kuweka dau la kipekee kwa Main Man Rio, ambaye ni shabiki mkubwa wa Arsenal.
“Nilimwambia Main Man Rio, wakibeba kombe nitampa gari yangu. Sasa naongeza dau—wakishinda kikombe msimu huu, nitampa gari yangu pamoja na dadangu,” alisema Shuga Boy kwa msisitizo, kauli iliyozua kicheko na mjadala mkali studio.
Kauli hiyo imekuja katika kipindi ambacho Arsenal wamekuwa wakionyesha ushindani mkubwa chini ya kocha Mikel Arteta, wakijijenga kama moja ya timu zinazowania ubingwa wa Premier League. Licha ya maendeleo hayo, ukosefu wa vikombe katika misimu mingi bado unawapa wapinzani wao nafasi ya kuwabeza.
Kwa upande mwingine, Manchester United nao wanapitia kipindi cha mabadiliko, wakijaribu kurejea kwenye ubora wao wa zamani waliouonyesha enzi za Sir Alex Ferguson. Licha ya changamoto, bado wana historia nzito ya mafanikio, jambo linalowapa mashabiki wao kujiamini wanapojadili soka la Uingereza.
Usiku wa leo, macho ya mashabiki yataelekezwa kwenye mchezo wa ligi kati ya Manchester United dhidi ya Leeds United—mchezo unaotarajiwa kuwa na ushindani mkali, huku Shuga Boy akitumaini timu yake itapata ushindi na kuendeleza presha kwa wapinzani wao.
Wakati mabishano yakiendelea mitandaoni na kwenye studio za redio, swali kubwa linabaki: Je, Arsenal wataweza kuwanyamazisha wakosoaji wao kwa kubeba angalau kombe moja msimu huu, au kauli ya Shuga Boy itageuka kuwa unabii?
Sports
Klabu ya Arsenal guu moja kuingia hatua ya Nusu fainali Klabu bingwa baada ya ushindi dhidi ya Sporting
Mshambuliaji Kai Havertz aliifungia Arsenal F.C. bao la ushindi katika dakika za mwisho kabisa, na kuisaidia timu hiyo kuibuka na ushindi mwembamba wa 1-0 dhidi ya Sporting CP katika mechi ya mkondo wa kwanza wa robo fainali ya UEFA Champions League iliyochezwa Jana usiku.
Kikosi cha kocha Mikel Arteta kilifika katika Uwanja wa Estadio Jose Alvalade kikiwa kimeathiriwa na vipigo viwili mfululizo dhidi ya Manchester City F.C. kwenye fainali ya Kombe la Ligi na Southampton F.C. katika robo fainali ya Kombe la FA.
Kwa mara nyingine, Arsenal haikucheza kwa kiwango chake bora, lakini ilifanikiwa kupata ushindi kutokana na uokoaji mzuri wa kipa David Raya pamoja na umakini wa Havertz aliyefunga bao la ushindi katika muda wa nyongeza.
Arsenal sasa ina nafasi kubwa ya kufuzu nusu fainali kabla ya mechi ya marudiano itakayochezwa kaskazini mwa London tarehe 15 Aprili, ingawa italazimika kuboresha kiwango chake ikiwa inataka kushinda taji hilo kwa mara ya kwanza.
Vipigo dhidi ya City na Southampton vilikuwa mara ya kwanza msimu huu kwa Arsenal kupoteza mechi mbili mfululizo, huku kipigo cha Kombe la FA kikiwa cha tano kwao msimu huu.
Athari za matokeo hayo bado zilionekana Lisbon, ambapo Arsenal ilipata ugumu wa kucheza kwa mwendelezo mzuri, lakini kama ilivyokuwa mara kadhaa msimu huu, walipata njia ya kushinda licha ya kutocheza vizuri.
katika mechi nyingine hatua ya robo fainali ni kwamba Bayern Munich waliondoka na ushindi wa magoli 2-1 mikononi mwa Real Madrid katika uwanja wao wa nyumbani Estadio Santiago Bernabeu.
Magoli ya Bayern yakitiwa kimyani na mshmabulizi Luis kipindi cha kwanza naye Erling Haaland kipindi cha pili.
Mechi ya marudiano itachezwa juma lijalo April 15.
EACC yafaulu kurejesha shilingi bilioni 7.8 zilizoporwa.
Biashara ya Mananasi yakabiliwa na changamoto Kilifi
