Entertainment
Medallion Afichua Ajenda Fiche ya Waandaji wa Tamasha Lililompatia Umaarufu
Mwanamuziki chipukizi na mbunifu wa mavazi aeleza kwa uwazi changamoto, maumivu na matumaini yake
Msanii wa muziki wa kizazi kipya na mbunifu maarufu wa mavazi, Medallion Sihaba, ameweka wazi hali halisi ya maisha ya wasanii chipukizi, akifichua namna tamasha lililomletea umaarufu pia lilikuwa na ajenda fiche iliyogundulika baadaye.
Akizungumza leo asubuhi akiwa mgeni katika kipindi maarufu cha Coco Asubuhi kinachoendeshwa na Anita, Marwa na Nyanya Rukia kupitia Coco FM, Medallion alifunguka kwa uaminifu kuhusu safari yake ya muziki, changamoto za kiuchumi, maumivu ya mapenzi, na ndoto zake kubwa za mafanikio.
Medallion alieleza kuwa ingawa muziki umemfungulia milango ya kutambulika, bado anakumbana na changamoto kubwa ya kifedha, hasa katika uandaaji wa video.
“Muziki, nashukuru – unanipeleka poa. Changamoto ni pesa ya uandaaji wa video. Finances ndiyo shida kubwa. Lakini nina imani, kukiwa na mtu wa kunisapoti tufanye video poa, ya high quality, tunaondoka.”
Ingawa ametoa video nzuri inayotambulika kwa ubora wake, bado anaona hajafikia kiwango anachokitamani:
“Ni video nzuri kweli kama unavyosema Marwa, lakini kwangu naiona bado iko chini – haijafika kwenye level nzuri.”
Katika mahojiano hayo, Medallion alisimulia tukio la kushangaza kuhusu tamasha moja ambalo lilitarajiwa kumuinua kimuziki, lakini baadaye likaonyesha sura tofauti.
“Kulikuwa na event ambayo ingenisaidia sana. Lakini baadhi ya watu walitaka kunitumia vibaya. Nashukuru kwa sababu ilijenga jina Kilifi na sehemu zingine, lakini pesa iliyotangazwa haikuwa kweli.”
Kwa mujibu wa Medallion, mshindi aliahidiwa kiasi cha KSh 300,000, lakini alipewa tu KSh 50,000.
“Baada ya kupokea pesa, tukapigiwa simu kwamba mshindi alifaa kupewa 300k – jambo ambalo halikutekelezwa.”
Licha ya kukosa meneja wa kudumu, Medallion anapata msaada wa watu wenye nia njema kama J-Crack.
“Sina meneja. Lakini namshukuru sana J-Crack – siyo meneja wangu lakini akipata deal ananiita na kuniambia nijipange. Ana moyo wa kuniinua.”
Mbali na muziki, Medallion pia ni mbunifu wa mavazi na mjasiriamali, akiwa na maduka ya nguo katika maeneo ya Kilifi na Malindi.
“Navisha watu maarufu kama Susumila, J-Crack, na Masauti,” alisema kwa fahari, akithibitisha kuwa kipaji chake kinavuka mipaka ya muziki na kugusa mitindo.
Medallion pia aligusia chanzo cha wimbo wake maarufu wa “Moyo”, ambao umevuma sana kwenye majukwaa ya kidijitali na kumpatia mapato halisi.
“Niliutunga baada ya kutendwa na aliyekuwa mpenzi wangu. Sababu yake kubwa ilikuwa pesa. Alisema sina pesa – akaniacha,” alisema kwa huzuni, lakini pia kwa nguvu ya msanii anayejenga mafanikio kutoka kwenye maumivu.
Mjadala mkali umeibuka katika kipindi cha COCO Asubuhi baada ya Shuga Boy, shabiki wa Manchester United, kuweka dau zito na la kushangaza dhidi ya Main Man Rio ambaye ni shabiki wa Arsenal.
Akizungumza kwenye kipindi cha COCO Asubuhi, kinachoendeshwa na Tatu Sure—inayojumuisha Shuga Boy mwenyewe, Main Man Rio na Solomon Zully—Shuga Boy alifunguka, akidai kuwa Arsenal hawana uwezo wa kubeba hata kombe moja msimu huu licha ya matarajio makubwa kutoka kwa mashabiki wao.
Kwa mujibu wa Shuga Boy, mashabiki wa Arsenal wamekuwa wakijipa matumaini makubwa ya kutwaa hadi vikombe vinne, lakini hali halisi uwanjani haioneshi dalili hizo. Alienda mbali zaidi na kuweka dau la kipekee kwa Main Man Rio, ambaye ni shabiki mkubwa wa Arsenal.
“Nilimwambia Main Man Rio, wakibeba kombe nitampa gari yangu. Sasa naongeza dau—wakishinda kikombe msimu huu, nitampa gari yangu pamoja na dadangu,” alisema Shuga Boy kwa msisitizo, kauli iliyozua kicheko na mjadala mkali studio.
Kauli hiyo imekuja katika kipindi ambacho Arsenal wamekuwa wakionyesha ushindani mkubwa chini ya kocha Mikel Arteta, wakijijenga kama moja ya timu zinazowania ubingwa wa Premier League. Licha ya maendeleo hayo, ukosefu wa vikombe katika misimu mingi bado unawapa wapinzani wao nafasi ya kuwabeza.
Kwa upande mwingine, Manchester United nao wanapitia kipindi cha mabadiliko, wakijaribu kurejea kwenye ubora wao wa zamani waliouonyesha enzi za Sir Alex Ferguson. Licha ya changamoto, bado wana historia nzito ya mafanikio, jambo linalowapa mashabiki wao kujiamini wanapojadili soka la Uingereza.
Usiku wa leo, macho ya mashabiki yataelekezwa kwenye mchezo wa ligi kati ya Manchester United dhidi ya Leeds United—mchezo unaotarajiwa kuwa na ushindani mkali, huku Shuga Boy akitumaini timu yake itapata ushindi na kuendeleza presha kwa wapinzani wao.
Wakati mabishano yakiendelea mitandaoni na kwenye studio za redio, swali kubwa linabaki: Je, Arsenal wataweza kuwanyamazisha wakosoaji wao kwa kubeba angalau kombe moja msimu huu, au kauli ya Shuga Boy itageuka kuwa unabii?
Staa wa Bongo Fleva Alikiba ameibua mjadala mzito kufuatia kauli yake aliyoitoa baada ya kufanya show kubwa na yenye mafanikio jijini Mwanza, nchini Tanzania.
Baada ya kupanda jukwaani na kuonesha kiwango chake cha juu cha uimbaji na burudani, King Kiba aliacha mashabiki wakizungumza zaidi si tu kuhusu show yake, bali pia kauli yake iliyokuja mwishoni mwa performance yake. Akiwa mbele ya umati mkubwa wa mashabiki, alisema kwa kujiamini:
“Watatoa ngoma nyingine na nyingine, na nyingine, na nyingine, na nyingine… halafu mimi natoa nyingine, moja tu.”
Kauli hiyo imezua tafsiri mbalimbali miongoni mwa mashabiki na wadau wa muziki, wengi wakiona kuwa ni ujumbe unaolenga tofauti iliyopo kati ya wasanii wanaotoa kazi nyingi kwa wakati mfupi na wale wanaochagua kutoa kazi chache lakini zenye ubora wa hali ya juu. Kwa muktadha huo, Alikiba anaonekana kusimama katika kundi la wasanii wanaoamini katika ubora kuliko wingi.
Kwa muda mrefu sasa, Kiba amekuwa akijulikana kwa mtindo wake wa utoaji wa muziki usio wa haraka, lakini unaolenga ubora wa juu na maisha marefu ya kazi zake sokoni. Hii ni tofauti na mwenendo wa sasa wa tasnia ya muziki wa kidigitali ambapo baadhi ya wasanii huchagua kutoa nyimbo mfululizo ili kubaki juu ya chati na kwenye algorithms za streaming platforms.
Kauli yake pia imekuja katika kipindi ambacho wimbo wake mpya Finale, aliomshirikisha Bien, unaendelea kufanya vizuri kwenye majukwaa ya kidigitali. Video ya wimbo huo imekuwa ikipata watazamaji wengi na maoni chanya kutoka kwa mashabiki wa Afrika Mashariki na kwingineko, hali inayoongeza uzito wa ujumbe wake kuwa kazi moja bora inaweza kuwa na athari kubwa kuliko nyingi zisizo na nguvu sawa.
Baadhi ya wachanganuzi wanasema kijembe hicho kimemlenga mpinzani wake wa karibu Diamond Platnumz ambaye ameachia nyimbo mbili (Happy na Joy) kwenye kipindi kifupi ambacho King Kiba kaachia wimbo mmoja unaofanya vizuri zaidi ya nyimbo za Simba.
Hata hivyo, mjadala unaoibuliwa na kauli hiyo una pande mbili. Wapo wanaounga mkono msimamo wa Kiba wakisema ubora ndiyo unaojenga legacy ya msanii. Lakini pia wapo wanaoamini kuwa katika ushindani wa sasa, consistency ya kutoa nyimbo mara kwa mara ni muhimu ili kubaki relevant kwenye soko lenye ushindani mkubwa.
Kwa mtazamo wa kina, kauli ya Alikiba si tu maneno ya jukwaani bali ni tafakari ya mkakati wake wa muziki na namna anavyoiona tasnia kwa ujumla. Inaibua swali muhimu kwa wasanii na mashabiki pia—je, thamani ya msanii ipo kwenye wingi wa kazi anazotoa, au kwenye ubora na uimara wa kazi chache anazoachia?
Hadi sasa, jambo moja liko wazi—kauli hiyo imefanikiwa kuamsha mjadala mkubwa, na kwa mtindo wa King Kiba, huenda hata hilo lenyewe ni sehemu ya mchezo wake wa kisanii.
Wadau wa sekta ya uchukuzi wasitisha mgomo wao
Mshukiwa wa ulanguzi na usafirishaji wa watoto anyimwa dhamana
