Entertainment
Wakili George Kithi na Mbosso Khan Waanzisha Ushirikiano wa Kimkakati kuinua Muziki wa Africa Mashariki
Wakili na mwanasiasa maarufu kutoka Kilifi, George Kithi, ameweka wazi azma yake ya kuendelea kukuza sekta ya muziki na ubunifu katika ukanda wa Pwani ya Kenya kwa njia za kimkakati na kimataifa.
Wakili Kithi aliyasema haya Jijini Dar es salaam Tanzania alipokutana na kufanya mazungumzo na Mwanamuziki nyota wa Bongo flavor, Mbosso Khan, katika mazungumzo yaliyolenga kuleta mageuzi ya kweli katika Sekta ya muziki wa Pwani na Kenya kwa ujumla.
“Nilifanya kikao chenye mafanikio na msanii maarufu kutoka Tanzania, Mbosso Khan, jijini Dar es Salaam, ambapo tulijadili mbinu za kimkakati katika kuboresha muziki na kukuza wasanii hususan kutoka Kaunti ya Kilifi na eneo zima la Pwani.,” Kithi alisema.
Mkutano huu ni hatua Moja wapo ya kuendeleza uhusiano kati ya Kiongozi huyo na Mwanamuziki Mbosso baada ya ziara ya Mwanamuziki huyo Mjini Kilifi mnamo Desemba 31, 2023, ilitia fora na kuweka Msingi mahusiano bora.
Ziara ya Mbosso mjini Kilifi ilizua gumzo Kwa jinsi ilivyoshabikiwa kufuatia show yake ya kukata na shoka katika eneo la Old Fery Kilifi, na kuwavutia maelfu ya mashabiki.
Tukio hilo liliangazia kiwango cha hamasa na kiu ya burudani ambayo Pwani inayo na huenda ndicho Kithi anataka kuendeleza kwa vitendo.
Miongoni mwa mambo wanayolengwa katika usjirikiano huu pia ni kuleta mshikamano na ushirikiano wa karibu baina ya wasanii wa Africa Mashariki Kwa lengo ya kukuza sekta na muziki Kwa kutumia teknolojia ya kisasa, vifaa bora, na ubadilishanaji wa maarifa kutoka pande zote mbili za mipaka.
Zaidi ya hayo, walitathmini njia za kuwasaidia wasanii kibiashara kwa kuwapatia mafunzo kuhusu jinsi ya kutumia teknolojia kupata mapato kupitia majukwaa mbali mbali ya kidijitali mfano mapato ya muziki kupitia mtandaoni (streaming royalties), uuzaji wa maudhui (content monetization), ushirikiano na chapa mbalimbali (brand partnerships), pamoja na mbinu za kujenga hadhira kupitia mitandao ya kijamii. Lengo kuu likiwa ni kuhakikisha kuwa kipaji kinaweza kubadilishwa kuwa taaluma, na muziki kuwa chanzo halisi cha mapato.
Kwa mujibu wa Kithi, mafunzo haya yatasaidia sana kubadilisha fikra za muziki kuwa kipaji tu, hadi kuwa chanzo cha mapato na ajirankwa vijana wa Pwani.
Huenda hii ikawa hatua kubwa kuelekea kuinua uchumi wa kijamii kupitia sekta ya ubunifu.
“Maarifa katika eneo hili yanaweza kubadilisha ari kuwa taaluma na kipaji kuwa chanzo cha mapato,” alisema Kithi.
“Tumejikita katika kukuza vipaji, kujenga ushirikiano, na kuunda fursa zitakazoinua vijana wetu na kuiweka kanda yetu kwenye ramani ya dunia” aliongezea.
George Kithi ametangaza kuwa kuna mengine mengi yanakuja, ikiwa ni pamoja na miradi mipya ya ushirikiano, mafunzo ya ubunifu, na kuibua vipaji vijijini.
Mjadala mkali umeibuka katika kipindi cha COCO Asubuhi baada ya Shuga Boy, shabiki wa Manchester United, kuweka dau zito na la kushangaza dhidi ya Main Man Rio ambaye ni shabiki wa Arsenal.
Akizungumza kwenye kipindi cha COCO Asubuhi, kinachoendeshwa na Tatu Sure—inayojumuisha Shuga Boy mwenyewe, Main Man Rio na Solomon Zully—Shuga Boy alifunguka, akidai kuwa Arsenal hawana uwezo wa kubeba hata kombe moja msimu huu licha ya matarajio makubwa kutoka kwa mashabiki wao.
Kwa mujibu wa Shuga Boy, mashabiki wa Arsenal wamekuwa wakijipa matumaini makubwa ya kutwaa hadi vikombe vinne, lakini hali halisi uwanjani haioneshi dalili hizo. Alienda mbali zaidi na kuweka dau la kipekee kwa Main Man Rio, ambaye ni shabiki mkubwa wa Arsenal.
“Nilimwambia Main Man Rio, wakibeba kombe nitampa gari yangu. Sasa naongeza dau—wakishinda kikombe msimu huu, nitampa gari yangu pamoja na dadangu,” alisema Shuga Boy kwa msisitizo, kauli iliyozua kicheko na mjadala mkali studio.
Kauli hiyo imekuja katika kipindi ambacho Arsenal wamekuwa wakionyesha ushindani mkubwa chini ya kocha Mikel Arteta, wakijijenga kama moja ya timu zinazowania ubingwa wa Premier League. Licha ya maendeleo hayo, ukosefu wa vikombe katika misimu mingi bado unawapa wapinzani wao nafasi ya kuwabeza.
Kwa upande mwingine, Manchester United nao wanapitia kipindi cha mabadiliko, wakijaribu kurejea kwenye ubora wao wa zamani waliouonyesha enzi za Sir Alex Ferguson. Licha ya changamoto, bado wana historia nzito ya mafanikio, jambo linalowapa mashabiki wao kujiamini wanapojadili soka la Uingereza.
Usiku wa leo, macho ya mashabiki yataelekezwa kwenye mchezo wa ligi kati ya Manchester United dhidi ya Leeds United—mchezo unaotarajiwa kuwa na ushindani mkali, huku Shuga Boy akitumaini timu yake itapata ushindi na kuendeleza presha kwa wapinzani wao.
Wakati mabishano yakiendelea mitandaoni na kwenye studio za redio, swali kubwa linabaki: Je, Arsenal wataweza kuwanyamazisha wakosoaji wao kwa kubeba angalau kombe moja msimu huu, au kauli ya Shuga Boy itageuka kuwa unabii?
Staa wa Bongo Fleva Alikiba ameibua mjadala mzito kufuatia kauli yake aliyoitoa baada ya kufanya show kubwa na yenye mafanikio jijini Mwanza, nchini Tanzania.
Baada ya kupanda jukwaani na kuonesha kiwango chake cha juu cha uimbaji na burudani, King Kiba aliacha mashabiki wakizungumza zaidi si tu kuhusu show yake, bali pia kauli yake iliyokuja mwishoni mwa performance yake. Akiwa mbele ya umati mkubwa wa mashabiki, alisema kwa kujiamini:
“Watatoa ngoma nyingine na nyingine, na nyingine, na nyingine, na nyingine… halafu mimi natoa nyingine, moja tu.”
Kauli hiyo imezua tafsiri mbalimbali miongoni mwa mashabiki na wadau wa muziki, wengi wakiona kuwa ni ujumbe unaolenga tofauti iliyopo kati ya wasanii wanaotoa kazi nyingi kwa wakati mfupi na wale wanaochagua kutoa kazi chache lakini zenye ubora wa hali ya juu. Kwa muktadha huo, Alikiba anaonekana kusimama katika kundi la wasanii wanaoamini katika ubora kuliko wingi.
Kwa muda mrefu sasa, Kiba amekuwa akijulikana kwa mtindo wake wa utoaji wa muziki usio wa haraka, lakini unaolenga ubora wa juu na maisha marefu ya kazi zake sokoni. Hii ni tofauti na mwenendo wa sasa wa tasnia ya muziki wa kidigitali ambapo baadhi ya wasanii huchagua kutoa nyimbo mfululizo ili kubaki juu ya chati na kwenye algorithms za streaming platforms.
Kauli yake pia imekuja katika kipindi ambacho wimbo wake mpya Finale, aliomshirikisha Bien, unaendelea kufanya vizuri kwenye majukwaa ya kidigitali. Video ya wimbo huo imekuwa ikipata watazamaji wengi na maoni chanya kutoka kwa mashabiki wa Afrika Mashariki na kwingineko, hali inayoongeza uzito wa ujumbe wake kuwa kazi moja bora inaweza kuwa na athari kubwa kuliko nyingi zisizo na nguvu sawa.
Baadhi ya wachanganuzi wanasema kijembe hicho kimemlenga mpinzani wake wa karibu Diamond Platnumz ambaye ameachia nyimbo mbili (Happy na Joy) kwenye kipindi kifupi ambacho King Kiba kaachia wimbo mmoja unaofanya vizuri zaidi ya nyimbo za Simba.
Hata hivyo, mjadala unaoibuliwa na kauli hiyo una pande mbili. Wapo wanaounga mkono msimamo wa Kiba wakisema ubora ndiyo unaojenga legacy ya msanii. Lakini pia wapo wanaoamini kuwa katika ushindani wa sasa, consistency ya kutoa nyimbo mara kwa mara ni muhimu ili kubaki relevant kwenye soko lenye ushindani mkubwa.
Kwa mtazamo wa kina, kauli ya Alikiba si tu maneno ya jukwaani bali ni tafakari ya mkakati wake wa muziki na namna anavyoiona tasnia kwa ujumla. Inaibua swali muhimu kwa wasanii na mashabiki pia—je, thamani ya msanii ipo kwenye wingi wa kazi anazotoa, au kwenye ubora na uimara wa kazi chache anazoachia?
Hadi sasa, jambo moja liko wazi—kauli hiyo imefanikiwa kuamsha mjadala mkubwa, na kwa mtindo wa King Kiba, huenda hata hilo lenyewe ni sehemu ya mchezo wake wa kisanii.
Wadau wa sekta ya uchukuzi wasitisha mgomo wao
Mshukiwa wa ulanguzi na usafirishaji wa watoto anyimwa dhamana
