Sports
Mornings Stars na Kilifi Elite Ndiyo Mabingwa Makala ya Tatu Kombe la Esse Akida
Toleo la tatu la Mashindano ya Esse Akida lilifikia tamati Jumapili tarehe 28 Desemba 2025, huku Morning Stars na Kilifi Elite wakitawazwa mabingwa.
Mashindano hayo yaliyoandaliwa na mshambuliaji wa Harambee Starlets, Esse Akida, yalishirikisha jumla ya timu 19 katika kipengele cha wavulana na timu sita za wasichana, zilizocheza kwa mfumo wa ligi (round robin). Fainali za mashindano hayo zilihudhuriwa na Katibu Mkuu wa Wizara ya Masuala ya Vijana na Uchumi wa Ubunifu, Fikirini Jacobs, ambaye alikuwa mgeni rasmi. Pia walikuwepo kocha mkuu wa Kibera Women Soccer FC, Bob Okallo, pamoja na nahodha wa Harambee Starlets na mwenzake Akida, Mwanahalima Jereko Adam, miongoni mwa wageni mashuhuri.
Akizungumza baada ya kukamilika kwa mashindano hayo, Akida alisema:
“Lengo langu tangu kuanzishwa kwa mashindano haya limekuwa kuwapa jukwaa wasichana na wavulana hawa chipukizi kuonyesha vipaji vyao.
“Tumeona maendeleo tangu tulipoanza, kwani baadhi ya washiriki wetu wa awali sasa wako kwenye timu mbalimbali, lakini tungependa kuona wengi zaidi wakijiunga na timu kubwa ili waweze kujipatia kipato kupitia vipaji vyao.”
Akida pia alisisitiza umuhimu wa washirika na marafiki waliotoa mchango mkubwa kufanikisha mashindano hayo.
“Ningependa kutoa shukrani za dhati kwa mshirika wetu mkuu MozzartBet kwa msaada wao mkubwa. Wamekuwa wakisaidia jamii mbalimbali na ninaamini wana mipango mikubwa zaidi kwa soka. Pia nina marafiki waliotoa mchango wao kwa kiwango kikubwa, na nawapongeza binafsi kwa kuhakikisha mashindano haya yamefanikiwa,” aliongeza Akida.
Muhtasari wa Mashindano
Makundi ya Wavulana
Kundi A
Makion
Mavueni
Young Atomic
Berets
United Spark
Kundi B
Mtondia
Kilifi Allstars
FC Talanta
Blue Blue
Matsangoni
Kundi C
Bofa
Ngala
Jupiter
Bahari
Kibaoni United
Kundi D
St Patrick’s
Ubuntu
Wavuvi
Morning Stars
Wanawake (Mfumo wa Ligi)
Majajani Queens
Bahari Starlets
Kilifi Elite
Kilifi Ladies
Bofa Starlets
Tuzo za Wachezaji Binafsi – Wanawake
Mfungaji Bora: Laureen Shoka (Bahari Starlets)
Mchezaji Bora: Rita Mwanaisha maarufu kama Toto (Kilifi Elite)
Kipa Bora: Nelly Chivatsi (Bahari Starlets)
Tuzo ya Mshikamano wa Timu (Team Spirit): Juliet Mapenzi (Kilifi Ladies)
Mchezaji Mdogo Zaidi: Asma Taura (Majajani Queens)
Mchezaji Aliyeonyesha Juhudi Bora: Asia Ali (Kilifi Elite)
Tuzo za Wachezaji Binafsi – Wanaume
Mfungaji Bora: Radigo Phiabian (Ubuntu)
Mchezaji Bora: Samuel Samini (Ubuntu)
Kipa Bora: Dida Ahmed (Morning Stars)
Tuzo za Timu – Wanawake
Nafasi ya 5: Bofa Starlets
Nafasi ya 4: Majajani Queens
Washindi wa Nafasi ya Tatu (2nd Runners Up): Kilifi Ladies
Washindi wa Nafasi ya Pili (1st Runners Up): Bahari Starlets
Mabingwa: Kilifi Elite
Tuzo za Timu – Wanaume
Nafasi ya 4: Mtondia United
Washindi wa Nafasi ya Tatu (2nd Runners Up): Blue Blue
Washindi wa Nafasi ya Pili (1st Runners Up): Ubuntu
Mabingwa: Morning Stars
Sports
Harambee Starlets imemaliza ya Pili michuano ya Fifa Series Ugani Nyayo baada ya kichapo cha magoli 2-0 mikononi mwa Australia
Timu ya soka wanawake Harambee Starlets sasa wanaelekeza nguvu zao katika kuboresha umakini na ufanisi mbele ya lango baada ya kumaliza kama washindi wa pili katika mashindano ya kwanza ya FIFA Series 2026.
Kenya ilipoteza kwa mabao 2-0 dhidi ya Matildas wa Australia katika fainali iliyochezwa Uwanja wa Nyayo National Stadium, ambapo Sam Kerr alifungua bao dakika ya 25 kabla ya Clare Wheeler kuthibitisha ushindi huo mapema katika kipindi cha pili.
Licha ya kushindwa, Starlets walitengeneza nafasi kadhaa za kufunga lakini walishindwa kuzitumia, jambo lililochangiwa kwa kiasi na uimara wa safu ya ulinzi ya Australia. Hii imeangazia eneo muhimu linalohitaji kuboreshwa kabla ya mashindano yajayo. Kocha mkuu Beldine Odemba alikiri kuwa umaliziaji bado ni changamoto huku timu ikiendelea kujijenga kuelekea Kombe la Mataifa ya Afrika kwa Wanawake (WAFCON).
“Tumepata nafasi nyingi tena, na tunaendelea kupata nafasi nyingi. Sasa tunahitaji sana kufanyia kazi jinsi ya kuzitumia nafasi hizo. Nafasi moja, bao moja ndicho tunachopaswa kufanikisha,” alisema.
Odemba pia aliwapongeza mashabiki kwa kujitokeza kwa wingi, akisisitiza umuhimu wa kucheza katika mazingira yenye presha kubwa wakati timu ikiendelea kukua.
“Tulikuwa na mazingira mazuri sana. Imekuwa muda tangu tucheze katika uwanja mkubwa kama huu. Tunafurahi kwamba mashabiki walijitokeza kutuunga mkono,” aliongeza.
Mashindano hayo yamekuwa kipimo muhimu kwa Starlets, huku benchi la ufundi sasa likitarajiwa kuzingatia kuimarisha safu ya ushambuliaji na kuongeza utulivu kabla ya WAFCON.
Sports
Klabu ya Kenya Pipeline mchezo wa Voliboli imefuzu hatua ya 16 bora Mashindano ya Klabu Bingwa Afrika mjini Cairo,Misri
Klabu ya (Kenya Pipeline) imefanikiwa kufuzu hatua ya 16 bora baada ya kupata ushindi wake wa tatu mfululizo katika mechi za awali za Mashindano ya Klabu Bingwa za Mpira wa Wavu kwa Wanawake Afrika ya mwaka 2026 (CAVB).
Timu ya Mpira wa Wavu ya KPC ilipata ushindi mara tatu mfululizo, ikiifunga timu ya VC La Loi (VCL) kutoka Jamhuri ya Kidemokrasia ya Kongo kwa seti tatu za moja kwa moja (25-12, 25-12, 25-17) katika mashindano hayo yaliyofanyika Cairo.
Kuanzia mpira wa kwanza wa serve, mabingwa hao kutoka Kenya waliweka mdundo ambao timu ya Congo ilishindwa kuuvunja. KPC ilitumia urefu wao wa juu karibu na wavu pamoja na huduma kali za serve kuchukua seti mbili za kwanza kwa alama sawa za 25-12.
VCL ilipata ugumu kupanga mapokezi yao, hali iliyowalazimu washambuliaji wao mara nyingi kukutana na ukuta thabiti wa wachezaji watatu (triple block).
Katika seti ya tatu, VC La Loi walionyesha dalili za kupambana, wakipata mianya katika ulinzi wa KPC na kufanya matokeo yaende sambamba kwa muda.
IEBC: Hatutaongeza muda wa usajili wa wapiga kura
Serikali yaonya wakenya dhidi ya maandamano
