International News
Museveni aidhinishwa na Tume ya uchaguzi ya Uganda kugombea urais 2026
Rais wa Uganda Yoweri Museveni mwenye umri wa miaka 81 ameidhinishwa na tume ya uchaguzi ya nchi hiyo kugombea nafasi ya urais katika uchaguzi mkuu wa mwaka ujao.
Katika hotuba yake ya uteuzi, Museveni aliishukuru Tume hiyo kwa kuidhinisha ugombea wake. Pia alikipongeza chama tawala cha National Resistance Movement (NRM) kwa kumwamini na kumchagua kupeperusha bendera ya urais katika uchaguzi ujao.
Museveni alisema kwamba wana misukumo miwili mikuu, msukumo namba moja ni kwa tabaka la kati na wawekezaji kutoka nje kubadilisha kabisa Uganda kutoka nchi ya kipato cha chini hadi nchi ya kipato cha kati kuelekea nchi ya kwanza ya ulimwengu.
Museveni, ambaye alitawala nchi hiyo ya Afrika mashariki kwa karibu miongo minne, anatafuta muhula wa saba wa kuchaguliwa baada ya kuwasilisha ugombea wake, Museveni anatarajiwa kuzungumza na wafuasi wake katika mkutano wa hadhara katika uwanja wa uhuru nje kidogo ya mji mkuu Kampala.
Mpinzani wake mkuu katika uchaguzi wa urais wa 2021 mwanamuziki aliyegeuka kuwa mwanasiasa Robert Kyagulanyi almaarufu Bobi Wine atateuliwa siku ya Jumatano, 24.9.2025.
Vyama vinne vya kisiasa tayari vilijiondoa katika kinyang’anyiro cha urais, ikiwa ni pamoja na Democratic Party, chama kongwe zaidi cha kisiasa nchini Uganda na Political Front for Freedom [PFF] kilichoanzishwa na Dk. Kizza Besigye, mkosoaji mkubwa wa Museveni.
Kwa mara ya pili mfululizo nchi hiyo itafanya uchaguzi bila mgombea urais mara nne, Dk. Besigye kuonekana kwenye karatasi ya kura.
Alikamatwa mwaka jana akiwa Kenya na hadi sasa bado yuko kizuizini kwa mashtaka ya uhaini, makossa ambayo ameyakanusha yote.
Hata hivyo, wakosoaji walisema Museveni alitawala Uganda kwa mkono wa chuma tangu achukue madaraka kama kiongozi wa waasi mwaka 1986 na ameshinda kila uchaguzi tangu wakati huo.
Wakati wa uchaguzi uliopita wa 2021, alishinda kwa 58% wakati mpinzani wake wa karibu, Bobi Wine alishika nafasi ya pili kwa 34%.
Nchi hiyo itafanya uchaguzi mkuu ujao Januari 12. 2026.
Taarifa ya Elizabeth Mwende
Ni miaka 32 tangu kutokea kwa mauaji ya kimbari nchini Rwanda.
Leo, tarehe saba Aprili, raia wa Rwanda pamoja na dunia kwa ujumla wanaungana kukumbuka kuanza kwa mauaji ya kimbari ya mwaka 1994, ambapo zaidi ya watu laki nane, wengi wao wakiwa jamii ya Watutsi, waliuawa ndani ya kipindi cha siku mia moja.
Tarehe hii ni ya kihistoria kwa taifa hilo ambalo miaka 32 iliyopita lilikumbwa na moja ya matukio ya kikatili zaidi katika historia ya mwanadamu.
Mauaji hayo yalichochewa na kuuawa kwa aliyekuwa rais wa Rwanda Juvenal Habyarimana, tukio lililosababisha kuzuka kwa vurugu kote nchini.
Kilichofuatia ni mashambulizi ya kimbari kati ya Wahutu na Watutsi, ambapo zaidi ya watu milioni moja wanaripotiwa kupoteza maisha katika muda wa siku mia moja.
Wanawake, wanaume na watoto walilengwa katika mashambulizi hayo yaliyopangwa, jamii zikivunjika na dunia ikishuhudia tukio hilo kwa muda bila kuchukua hatua za haraka kuzuia maafa hayo.
Katika kuadhimisha siku hii, inayojulikana kama KWIBUKA, yenye maana ya “tunakumbuka,” bendera nchini Rwanda zinapepea nusu mlingoti, huku Rais Paul Kagame akitarajiwa kuwasha mwenge wa kumbukumbu katika makavazi ya Kigali.
Hata hivyo, licha ya historia hiyo ya maumivu, Rwanda imepiga hatua kubwa katika kipindi cha miongo mitatu iliyopita, ikijijenga upya kutoka jamii iliyogawanyika hadi kuwa taifa lenye umoja, likishuhudia maendeleo ya kijamii na kiuchumi pamoja na juhudi za maridhiano na haki kwa wahanga.
Leo hii, Rwanda inasimama kama mfano kwa mataifa mengine aduniani, huku wito wa kuhakikisha mauaji ya kimbari hayajirudii tena ukiendelea kusisitizwa.
Taarifa ya Hamis Kombe
Taifa la Cameroon limeidhinisha mabadiliko ya kisheria kuhusu wadhfa wa makamu wa rais na kumpa mamlaka zaidi rais wa taifa hilo kufanya uteuzi upya.
Sheria hiyo mpya, inampa uwezi makamu wa rais kuchukua nafasi ya rais moja kwa moja iwapo rais wa taifa hilo amefariki ama amekubwa na ugonjwa na kushindwa kuendelelea na majukumu yake kama rais kabla ya uchaguzi kuandaliwa.
Bunge la taifa hilo siku ya Jumamosi liliidhinisha mabadiliko hayo ya kisheria na kutoa nafasi ya kuteuliwa kwa makamu wa rais ili kuhakikisha shughuli za kiserikali zinaendeshwa vyema baada ya bunge la kitaifa na seneti kupiga kura na kufanya mabadiliko hayo ya kisheria katika taifa hilo la Cameroon.
Wabunge wa bunge la kitaifa na Seneti nchini Cameroon walipiga kura 200 huku wengine 18 wakipinga na wengine 4 wakikwepa kikao hicho cha bunge, hatua iliyopelekea mswada huo kupitishwa.
Hatua hiyo sasa imefanya Rais wa Cameroon Paul Biya mwenye umri wa miaka 93 kumteua mwanawe Franck Emmanuel Biya kuwa makamu wa kwanza wa rais katika taifa hilo.
Rais wa Cameroon Paul Biya mwenye umri wa miaka 93 na mwanawe Franck Emmanuel aliyemteua kuwa makamu wa rais wa taifa hilo.
Ni hatua ambayo imeibua mjadala mkali nchini Cameroon na bara Afrika kwa jumla baada ya uteuzi huo kutangazwa rasmi Aprili 4, 2026.
Sheria hiyo pia imepiga marufuku wananchi wa taifa hilo kujadili kuhusu hali ya afya ya rais Biya, kukosoa utendakazi wake pamoja na maamuzi yanayofanywa na Ikulu ya rais.
Emmanuel amehudumu katika wadhfa wa mkuu wa majeshi mbali na kushikilia cheo kikuu katika wizara ya ulinzi nchini humo.
Rais Biya amekuwa mamlakani tangu 1982 na alishinda muhula wa nane kwenye uchaguzi mkuu mwaka uliopita.
Kuidhinishwa kwa mabadiliko haya ya kisheria nchini Cameroon kunatambulika kama tukio la kihistoria tangu mwaka 2008 ambapo taifa hilo lilishuhudia pingamizi za kisheria kutoka kwa wananchi baada ya bunge la kitaifa kuongeza hatamu ya uongozi wa rais na kusababisha maandamano makubwa.
Taarifa ya Hamis Kombe
Polisi wanachunguza tukio la wizi dhidi ya raia wa kigeni
Polisi eneo la Likoni-Mombasa inachunguza kifo cha mwanamke
