International News
Familia Yatafuta Hifadhi Nje ya Nchi yao Baada ya Ndugu Kufunguliwa Mashtaka ya Uhaini Tanzania
Familia moja inatafuta hifadhi ya kisiasa nje ya nchi kufuatia kukamatwa na kufunguliwa mashtaka ya uhaini kwa baadhi ya wanafamilia wake nchini Tanzania, baada ya machafuko ya kisiasa yaliyojitokeza hivi karibuni. Inadai kuwa na wasiwasi mkubwa kuhusu usalama wao, na madai ya ukiukwaji wa haki za binadamu.
Kwa mujibu wa mwanafamilia mmoja aliyeomba kutotajwa jina, jamaa hao—Ramadhan Haruna Ramadhan na Hamis Seleman Yakub—walifunguliwa mashtaka baada ya kushiriki maandamano yaliyopinga matokeo ya uchaguzi yaliyokuwa na utata. Familia inasema ombi la hifadhi linalenga kuwalinda, ikitaja mazingira ya vitisho na sintofahamu huku mamlaka zikiendelea kutetea mashtaka ya uhaini.
Familia inaeleza kuwa kukamatwa kwao kulitokea baada ya maandamano ya Desemba 9, ambapo walichukuliwa na vikosi vya usalama. Ingawa waliachiwa huru tarehe 13 Desemba, baadaye mamlaka ziliwafungulia mashtaka rasmi ya uhaini, hatua iliyoongeza hofu ya kuendelea kunyanyaswa.
“Kwa ajili ya usalama wao, tayari tumewapeleka Ubelgiji,” alisema mwanafamilia huyo aliyeomba kutotajwa jina.
Kwa mujibu wa familia, shinikizo kutoka serikalini limeongezeka tangu mashtaka hayo yalipofunguliwa, huku vyombo vya habari vya Tanzania vikizuiwa kuripoti habari zinazohusiana na kesi hiyo.
Ikumbukwe kuwa, mahakama ya Tanzania iliwafungulia mashtaka ya uhaini angalau watu 240 kufuatia maandamano ya vurugu ya mwezi Novemba yaliyohusiana na uchaguzi wa urais.
Rais Samia Suluhu Hassan alitangazwa mshindi wa uchaguzi kwa asilimia 98 ya kura, matokeo yaliyopingwa vikali na upinzani, ambao ulizuiwa kushiriki uchaguzi huo na kuutaja kuwa wa mizaha.
Vikosi vya usalama vilikabiliana na waandamanaji waliokuwa wakipinga matokeo hayo, huku vyanzo mbalimbali vikidai kuwa mamia ya watu waliuawa. Hata hivyo, mamlaka zimepunguza ukubwa wa vurugu hizo na kusisitiza kuwa uchaguzi ulikuwa huru na wa haki.
Baada ya machafuko hayo, watu kadhaa walikamatwa na sasa wamefunguliwa mashtaka ya uhaini katika mahakama iliyopo Dar es Salaam, kituo cha kibiashara cha Tanzania. Washtakiwa hawakutakiwa kuwasilisha maelezo ya kukiri au kukana mashtaka wakati wa kufikishwa mahakamani.
Operesheni kali ya kijeshi inayoendelea nchini Somalia ambapo zaidi ya wanamgambo 33 wa kundi la Alshabab wameuawa katika eneo la Shabelle nyanda za chini za Jubaland.
Ufanisi wa operasheni hii ya hivi punde ni muendelezo wa oparesheni iliyofanyika mwishoni mwa wiki iliyopita Aprili 24 katika eneo hilo la Juba ambapo Wanamgambo 27 wa AlShabab waliuawa.
Hii ina maana kwamba Jeshi la Somali limefanikiwa kuvunja maficho muhimu ya kundi hilo, ambalo kufikia sasa ya Wanamgambo 60 wameuawa
Kwa mujibu wa vianzo vya habari hususan kutoka kwa maafisa wa usalama, operesheni hiyo inafanyika kufuatia taarifa za kijasusi kuhusu maficho ya wanamgambo hao waliokuwa wakipanga mashambulizi dhidi ya vituo muhimu na taasisi za serikali.
Wanajeshi hao walivamia ngome za magaidi hao kwa ustadi mkubwa, wakifanikiwa kudhibiti eneo hilo baada ya mapambano makali yaliyochukua muda wa saa kadhaa.
Maafisa wamesema kuwa mafanikio hayo ni sehemu ya juhudi zinazoendelea za kuimarisha usalama na kuangamiza kabisa mtandao wa Al-Shabaab ambao kwa muda mrefu umekuwa ukihatarisha amani katika maeneo mbalimbali ya Somalia na ukanda mzima wa Afrika Mashariki.
Wananchi wa eneo la Jubbaland wameelezea matumaini mapya kufuatia operesheni hiyo, wakisema kuwa hatua hiyo inaleta nuru ya kurejea kwa utulivu na maendeleo baada ya miaka ya hofu na mashambulizi ya mara kwa mara nchini.
Serikali imeapa kuendeleza msako dhidi ya wanamgambo hao hadi pale watakapokomesha kabisa vitisho vya mashambulio , huku ikiwataka wananchi kushirikiana na vyombo vya usalama kwa kutoa taarifa zitakazosaidia kudhibiti ugaidi.
Taarifa ya Billy Mongo
Ni miaka 32 tangu kutokea kwa mauaji ya kimbari nchini Rwanda.
Leo, tarehe saba Aprili, raia wa Rwanda pamoja na dunia kwa ujumla wanaungana kukumbuka kuanza kwa mauaji ya kimbari ya mwaka 1994, ambapo zaidi ya watu laki nane, wengi wao wakiwa jamii ya Watutsi, waliuawa ndani ya kipindi cha siku mia moja.
Tarehe hii ni ya kihistoria kwa taifa hilo ambalo miaka 32 iliyopita lilikumbwa na moja ya matukio ya kikatili zaidi katika historia ya mwanadamu.
Mauaji hayo yalichochewa na kuuawa kwa aliyekuwa rais wa Rwanda Juvenal Habyarimana, tukio lililosababisha kuzuka kwa vurugu kote nchini.
Kilichofuatia ni mashambulizi ya kimbari kati ya Wahutu na Watutsi, ambapo zaidi ya watu milioni moja wanaripotiwa kupoteza maisha katika muda wa siku mia moja.
Wanawake, wanaume na watoto walilengwa katika mashambulizi hayo yaliyopangwa, jamii zikivunjika na dunia ikishuhudia tukio hilo kwa muda bila kuchukua hatua za haraka kuzuia maafa hayo.
Katika kuadhimisha siku hii, inayojulikana kama KWIBUKA, yenye maana ya “tunakumbuka,” bendera nchini Rwanda zinapepea nusu mlingoti, huku Rais Paul Kagame akitarajiwa kuwasha mwenge wa kumbukumbu katika makavazi ya Kigali.
Hata hivyo, licha ya historia hiyo ya maumivu, Rwanda imepiga hatua kubwa katika kipindi cha miongo mitatu iliyopita, ikijijenga upya kutoka jamii iliyogawanyika hadi kuwa taifa lenye umoja, likishuhudia maendeleo ya kijamii na kiuchumi pamoja na juhudi za maridhiano na haki kwa wahanga.
Leo hii, Rwanda inasimama kama mfano kwa mataifa mengine aduniani, huku wito wa kuhakikisha mauaji ya kimbari hayajirudii tena ukiendelea kusisitizwa.
Taarifa ya Hamis Kombe
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
