News
Murkomen awaonya wakenya wanaoendeleza siasa za vurugu na ukabili
Waziri wa usalama wa ndani Kipchumba Murkomen amewaonya wakenya wanaoendeleza siasa za vurugu, fujo na ukabili, akisema watu hao wataandamwa na mkono wa sheria.
Waziri Murkomen aliwataka wanasiasa kufanya kampeni zao kwa usawa na haki na wala sio kuzikejeli jamii zengine nchini, akisema serikali kupitia idara ya usalama haitakubali uchochezi wa kikabili nchini.
Aidha aliweka wazi kwamba kama Waziri wa usalama wa ndani atahakikisha wakenya wote wanapata huduma sawa za kiusalama huku akiwaonya wanasiasa dhidi ya tabia ya kumdhalilisha Inspekta jenerali wa polisi nchini Douglas Kanja.
Waziri huyo wa usalama wa ndani amehoji kwamba siasa za ukabili, matusi na majivuno haitasaidia taifa lililojikita katika masuala ya demokrasia kupiga hatua kimaendeleo, akisisitiza haja ya kila mmoja kupewa heshima.
“Wewe uza sera zao sio eti kabili hii kabila hii yani ni kama ambaye hakuna kabila zengine humu nchini apana hiyo hatutakubali na muache kudharua Inspekta jenerali wa polisi, tutawakujua kwa sababu hatutakubali hiyo maneno”, alisema Murkomen.
Taarifa ya Mwahoka Mtsumi
Serikali ya kaunti ya Kilifi imedai kwamba imetenga shilingi milioni 10 kusimamia huduma za afya kwa wajane
Gavana wa Kilifi Gideon Mung’aro aliwataka wajane na wanawake ambao bado hawajajisajili katika SHA, kutumia fursa hiyo ili iwe rahisi kwao kupata huduma za matibabu hospitalini.
Mung’aro aliwataka Wanawake wa kaunti ya Kilifi kuanza mchakato wa kuwasajali wajane katika SHA, akisema serikali ya kaunti iko na mipango ya kuhakikisha wananchi wake wanapata huduma za matibabu bila changamoto.
Kiongozi hiyo pia alisema mikakati mwafaka imeidhinishwa kuhakikisha changamoto za urithi wa mashamba kwa akina wajane inashughulikiwa kupitia mawakili wa serikali ya kaunti.
“Naibu wangu ni mama, tuko na maafisa watano ni mama, kwa hivyo ni wajapange washirikiane na mawakili wa kaunti ili kupata haki ya urithi na tumetenga shilingi milioni 10 kusaidia wajane kujiandikisha na SHA ili wapate huduma za matibabu bila changamoto”,alisema Mung’aro.
Serikali imepiga marufuku uagizaji wa dawa za Antibiotiki na kusafirishwa na wahudumu wa bodaboda katika makaazi ya umma, ikisema mwenendo huo hautakubalika.
Waziri wa Afya nchini Adan Duele amesema serikali kupitia Wizara ya Afya nchini na Bodi ya dawa na sumu nchini zimeweka mikakati mwafaka ya kulinda afya ya wananchi.
Duale alisema wakenya hawafai kuilaumu bodi ya dawa na sumu nchini kutokana na sheria ngumu ilizotoa bali kuridhia hatua hiyo ili kuzuia madhara.
Akizungumza wakati wa warsha ya mikakati ya kuboresha afya ya umma, Waziri Duale alisema hatua hiyo inaanza kutekelezwa mara moja, huku akisisitiza kwamba serikali haitalegeza kambi katika kulinda afya ya umma.
“Kuanzia sasa hakuna tena kuagiza dawa za antibiotiki na kusafirishwa na wahudumu wa bodaboda kwani hatua hiyo ni hatari, wewe uko nyumbani kisha unaagiza dawa sini hiyo ni hatari, na hakuna kulaumu bodi ya dawa na sumu nchini kwa sababu tumeweka sheria hiyo”, alisema Duale.
Warsha ya watafiti wa kisayansi iliyiofanyika jijini Nairobi
Waziri huyo wa Afya nchini alishikilia kwamba hatua waliochukua mwafaka kwani italinda afya ya wananchi, akiwaonya wale wanaoendeleza bishara hiyo haramu. kusababisha madhara.
Taarifa ya Mwahoka Mtsumi
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
