News
Polisi wanachunguza tukio la mauaji ya Wanawake wanne Kwale
Maafisa wa polisi katika kaunti ya Kwale wameanzisha uchunguzi kuhusu tukio la mauaji ya Wanawake wanne, ndani ya vyumba za wageni katika meneo ya Samburu, Taru na Meli-kubwa.
Kamanda wa Polisi eneo la Samburu Lydia Mumbo alisema ripoti iliyotolewa awali ilionyesha kwamba mshukuwa aliwachukua Wanawake hao kwenye vyumba vya wageni kisha kuwanyonga kabla ya kutoroka.
Lydia alisema mshukiwa huyo pia anadaiwa baada ya kutekeleza kitendo hicho cha kimya alichukua baadhi ya nguo za waathiriwa na kutoroka nazo ili kuficha ushahidi.
“Tumeona hali sasa imeanza kubadilika na kuwa hatari kwa usalama wa wananchi kwani awali jamaa huyo ambaye bado anasakwa na maafisa wa polisi alikuwa ana njama fiche na kuwauwa wanawake hao katika sehemu tofauti”, alisema Lydia.
Aidha aliwataka Wanawake wanaojihusisha biashara ya ngono kuwa waangalifu zaidi huku akiwarai wananchi kushirikiana na maafisa wa usalama katika kutoa taarifa zitakazochangia kutiwa nguvuni kwa mshukiwa huyo.
“Tunawarai wananchi kuchukua tahadhari na kuripoti wahalifu kwa maafisa wa polisi ili hatua za kisheria zichukuliwe mara moja na wananchi pia wawe waangalifu”, aliongeza Kamanda huyo wa Polisi.
Taarifa ya Mwanahabari wetu
Serikali ya kaunti ya Kilifi imedai kwamba imetenga shilingi milioni 10 kusimamia huduma za afya kwa wajane
Gavana wa Kilifi Gideon Mung’aro aliwataka wajane na wanawake ambao bado hawajajisajili katika SHA, kutumia fursa hiyo ili iwe rahisi kwao kupata huduma za matibabu hospitalini.
Mung’aro aliwataka Wanawake wa kaunti ya Kilifi kuanza mchakato wa kuwasajali wajane katika SHA, akisema serikali ya kaunti iko na mipango ya kuhakikisha wananchi wake wanapata huduma za matibabu bila changamoto.
Kiongozi hiyo pia alisema mikakati mwafaka imeidhinishwa kuhakikisha changamoto za urithi wa mashamba kwa akina wajane inashughulikiwa kupitia mawakili wa serikali ya kaunti.
“Naibu wangu ni mama, tuko na maafisa watano ni mama, kwa hivyo ni wajapange washirikiane na mawakili wa kaunti ili kupata haki ya urithi na tumetenga shilingi milioni 10 kusaidia wajane kujiandikisha na SHA ili wapate huduma za matibabu bila changamoto”,alisema Mung’aro.
Serikali imepiga marufuku uagizaji wa dawa za Antibiotiki na kusafirishwa na wahudumu wa bodaboda katika makaazi ya umma, ikisema mwenendo huo hautakubalika.
Waziri wa Afya nchini Adan Duele amesema serikali kupitia Wizara ya Afya nchini na Bodi ya dawa na sumu nchini zimeweka mikakati mwafaka ya kulinda afya ya wananchi.
Duale alisema wakenya hawafai kuilaumu bodi ya dawa na sumu nchini kutokana na sheria ngumu ilizotoa bali kuridhia hatua hiyo ili kuzuia madhara.
Akizungumza wakati wa warsha ya mikakati ya kuboresha afya ya umma, Waziri Duale alisema hatua hiyo inaanza kutekelezwa mara moja, huku akisisitiza kwamba serikali haitalegeza kambi katika kulinda afya ya umma.
“Kuanzia sasa hakuna tena kuagiza dawa za antibiotiki na kusafirishwa na wahudumu wa bodaboda kwani hatua hiyo ni hatari, wewe uko nyumbani kisha unaagiza dawa sini hiyo ni hatari, na hakuna kulaumu bodi ya dawa na sumu nchini kwa sababu tumeweka sheria hiyo”, alisema Duale.
Warsha ya watafiti wa kisayansi iliyiofanyika jijini Nairobi
Waziri huyo wa Afya nchini alishikilia kwamba hatua waliochukua mwafaka kwani italinda afya ya wananchi, akiwaonya wale wanaoendeleza bishara hiyo haramu. kusababisha madhara.
Taarifa ya Mwahoka Mtsumi
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
