News
Takriban vijana wahalifu 500 wamekamatwa Malindi
Idara ya usalama mjini Malindi katika kaunti ya Kilifi imesema itaendelea kutekeleza oparesheni ya kuwasaka wahalifu wanaoendelea kuhangaisha wakaazi.
Mafisa waa usalama walisema kufikia sasa takriban vijana 500 wanaohusishwa na visa vya wizi wa kimabavu wamekamatwa.
Kulingana na naibu kamishna David Lusava, katika siku za hivi karibuni eneo hilo limeshuhudia utovu wa usalama akitaja eneo la Kwachocha, Shela, Mtangani, Maweni miongoni mwa sehemu nyengini mjini humo.
Lusava alihakikishia wakaazi eneo hilo kuwa vyombo vya usalama vimejitolea kuhakikisha usalama unadumishwa.
“Malindi kwa mda kumekuwa na utovu usalama lakini tumejaribu kudhibiti vijana wengi ambao wamekuwa wakihangaisha watu, lakini kwa sasa wengi wamekamatwa na wamefikishwa mahakamani, Kwa sasa wale wamekamatwa ni karibu vijana 500 na hii oparesheni tumeifanya ndani ya mda wa mwezi mmoja.
Wakaazi katika maeneo hayo wamekuwa wakilalamikia ukosefu wa usalama kutokana na uvamizi unaotekelezwa na magenge ya uhalifu yanayopora mali na kujeruhi wakaazi hao.
Miongoni mwa magenge yanayotajwa kuhangaisha wakaazi ni kundi la vijana wanaojiita “Mawoza” ambapo idara ya usalama imeahidi kukabiliana nalo
Taarifa ya Joseph Jira
Serikali ya kaunti ya Kilifi imedai kwamba imetenga shilingi milioni 10 kusimamia huduma za afya kwa wajane
Gavana wa Kilifi Gideon Mung’aro aliwataka wajane na wanawake ambao bado hawajajisajili katika SHA, kutumia fursa hiyo ili iwe rahisi kwao kupata huduma za matibabu hospitalini.
Mung’aro aliwataka Wanawake wa kaunti ya Kilifi kuanza mchakato wa kuwasajali wajane katika SHA, akisema serikali ya kaunti iko na mipango ya kuhakikisha wananchi wake wanapata huduma za matibabu bila changamoto.
Kiongozi hiyo pia alisema mikakati mwafaka imeidhinishwa kuhakikisha changamoto za urithi wa mashamba kwa akina wajane inashughulikiwa kupitia mawakili wa serikali ya kaunti.
“Naibu wangu ni mama, tuko na maafisa watano ni mama, kwa hivyo ni wajapange washirikiane na mawakili wa kaunti ili kupata haki ya urithi na tumetenga shilingi milioni 10 kusaidia wajane kujiandikisha na SHA ili wapate huduma za matibabu bila changamoto”,alisema Mung’aro.
Serikali imepiga marufuku uagizaji wa dawa za Antibiotiki na kusafirishwa na wahudumu wa bodaboda katika makaazi ya umma, ikisema mwenendo huo hautakubalika.
Waziri wa Afya nchini Adan Duele amesema serikali kupitia Wizara ya Afya nchini na Bodi ya dawa na sumu nchini zimeweka mikakati mwafaka ya kulinda afya ya wananchi.
Duale alisema wakenya hawafai kuilaumu bodi ya dawa na sumu nchini kutokana na sheria ngumu ilizotoa bali kuridhia hatua hiyo ili kuzuia madhara.
Akizungumza wakati wa warsha ya mikakati ya kuboresha afya ya umma, Waziri Duale alisema hatua hiyo inaanza kutekelezwa mara moja, huku akisisitiza kwamba serikali haitalegeza kambi katika kulinda afya ya umma.
“Kuanzia sasa hakuna tena kuagiza dawa za antibiotiki na kusafirishwa na wahudumu wa bodaboda kwani hatua hiyo ni hatari, wewe uko nyumbani kisha unaagiza dawa sini hiyo ni hatari, na hakuna kulaumu bodi ya dawa na sumu nchini kwa sababu tumeweka sheria hiyo”, alisema Duale.
Warsha ya watafiti wa kisayansi iliyiofanyika jijini Nairobi
Waziri huyo wa Afya nchini alishikilia kwamba hatua waliochukua mwafaka kwani italinda afya ya wananchi, akiwaonya wale wanaoendeleza bishara hiyo haramu. kusababisha madhara.
Taarifa ya Mwahoka Mtsumi
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
