News
Wakili Kithi: Viongozi waelimishe wananchi kuhusu miradi ya maendeleo
Mwenyekiti wa Bodi ya hazina ya michezo, sanaa na maendeleo Wakili George Kithi amesisitiza umuhimu wa viongozi kuwaelimishwa wananchi kuhusu utekelezaji wa miradi ya maendeleo inayotekelezwa na serikali mashinani.
Wakili Kithi alisema wananchi wengi bado hawana ufahamu wa kutosha kuhusu miradi hiyo na jinsi inavyowanufaisha, hali inayochangia kutokuelewa juhudi zinazofanywa na serikali.
Aidha aliongeza kwamba kaunti za Pwani ni miongoni mwa kaunti zilizopata manufaa makubwa kupitia miradi mbalimbali ya maendeleo katika serikali, tofauti na ilivyokuwa katika utawala uliopita.
“Ni muhimu kwa viongozi kujieleza kwa wananchi kuhusu miradi ya maendeleo iliyofanywa na ambayo itafanywa kwa sababu mwananchi hana ufahamu, kwa mtu wa Kilifi ni muhimu kwa Wananchi aelewe kwamba serikali inamjali na kwa malengo gani, jukumu hilo liko chini ya viongozi kuwaeleza wananchi”, alisema Wakili Kithi.
Wakati huo huo, aliwahimiza wananchi kuwa na uvumilivu na kuipa serikali nafasi ya kutosha ili kutekeleza kikamilifu mipango yake ya maendeleo kwa kwa wananchi.
Taarifa ya Mwanahabari wetu
Serikali ya kaunti ya Kilifi imedai kwamba imetenga shilingi milioni 10 kusimamia huduma za afya kwa wajane
Gavana wa Kilifi Gideon Mung’aro aliwataka wajane na wanawake ambao bado hawajajisajili katika SHA, kutumia fursa hiyo ili iwe rahisi kwao kupata huduma za matibabu hospitalini.
Mung’aro aliwataka Wanawake wa kaunti ya Kilifi kuanza mchakato wa kuwasajali wajane katika SHA, akisema serikali ya kaunti iko na mipango ya kuhakikisha wananchi wake wanapata huduma za matibabu bila changamoto.
Kiongozi hiyo pia alisema mikakati mwafaka imeidhinishwa kuhakikisha changamoto za urithi wa mashamba kwa akina wajane inashughulikiwa kupitia mawakili wa serikali ya kaunti.
“Naibu wangu ni mama, tuko na maafisa watano ni mama, kwa hivyo ni wajapange washirikiane na mawakili wa kaunti ili kupata haki ya urithi na tumetenga shilingi milioni 10 kusaidia wajane kujiandikisha na SHA ili wapate huduma za matibabu bila changamoto”,alisema Mung’aro.
Serikali imepiga marufuku uagizaji wa dawa za Antibiotiki na kusafirishwa na wahudumu wa bodaboda katika makaazi ya umma, ikisema mwenendo huo hautakubalika.
Waziri wa Afya nchini Adan Duele amesema serikali kupitia Wizara ya Afya nchini na Bodi ya dawa na sumu nchini zimeweka mikakati mwafaka ya kulinda afya ya wananchi.
Duale alisema wakenya hawafai kuilaumu bodi ya dawa na sumu nchini kutokana na sheria ngumu ilizotoa bali kuridhia hatua hiyo ili kuzuia madhara.
Akizungumza wakati wa warsha ya mikakati ya kuboresha afya ya umma, Waziri Duale alisema hatua hiyo inaanza kutekelezwa mara moja, huku akisisitiza kwamba serikali haitalegeza kambi katika kulinda afya ya umma.
“Kuanzia sasa hakuna tena kuagiza dawa za antibiotiki na kusafirishwa na wahudumu wa bodaboda kwani hatua hiyo ni hatari, wewe uko nyumbani kisha unaagiza dawa sini hiyo ni hatari, na hakuna kulaumu bodi ya dawa na sumu nchini kwa sababu tumeweka sheria hiyo”, alisema Duale.
Warsha ya watafiti wa kisayansi iliyiofanyika jijini Nairobi
Waziri huyo wa Afya nchini alishikilia kwamba hatua waliochukua mwafaka kwani italinda afya ya wananchi, akiwaonya wale wanaoendeleza bishara hiyo haramu. kusababisha madhara.
Taarifa ya Mwahoka Mtsumi
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
