News
Rigathi Gachagua arejea nchini kutoka Marekani
Kinara wa Chama cha DCP Rigathi Gachagua amewasili nchini Kenya baada ya ziara yake ndefu nchini Marekani.
Vurugu zilishuhudiwa katika uwanja wa ndege wa kimataifa wa Jomo Kenyatta –JKIA ambapo wafuasi wake walimiminika katika jumba hilo huku wakiimba jina lake wakati walipokuwa wakimsubiri kupita kizuizi hicho.
Kisha alisindikizwa katikati ya umati na timu yake ya usalama hadi kwenye msafara wake uliokuwa ukimsubiri.
Wafuasi wake walikuwa wamekita kambi katika uwanja wa ndege kuanzia mapema Alhamisi asubuhi.
Gachagua alikuwa nchini Marekani kwa muda wa wiki sita, ambapo aliwakusanya wafuasi wake na kufanya mikutano ya hadhara na wakenya wanaoishi nje ya nchi.
Pia alidumisha ukosoaji mkali dhidi ya utawala wa rais William Ruto kwa shutma za ufisadi, mauaji ya kiholela na ukiukaji wa haki za binadamu.
Anatarajiwa kuongoza msafara hadi katika viwanja vya Kamukunji kwa mkutano wa hadhara, hatua ambayo serikali iliahidi kufuatilia ili kuzuia uvunjaji wa sheria.
Waziri wa usalama wa ndani Kipchumba Murkomen alisema kuwa hatua za kisheria zitachukuliwa dhidi yake iwapo kutashuhudiwa ghasia na usumbufu.
Taarifa ya Joseph Jira
Serikali ya kaunti ya Kilifi imedai kwamba imetenga shilingi milioni 10 kusimamia huduma za afya kwa wajane
Gavana wa Kilifi Gideon Mung’aro aliwataka wajane na wanawake ambao bado hawajajisajili katika SHA, kutumia fursa hiyo ili iwe rahisi kwao kupata huduma za matibabu hospitalini.
Mung’aro aliwataka Wanawake wa kaunti ya Kilifi kuanza mchakato wa kuwasajali wajane katika SHA, akisema serikali ya kaunti iko na mipango ya kuhakikisha wananchi wake wanapata huduma za matibabu bila changamoto.
Kiongozi hiyo pia alisema mikakati mwafaka imeidhinishwa kuhakikisha changamoto za urithi wa mashamba kwa akina wajane inashughulikiwa kupitia mawakili wa serikali ya kaunti.
“Naibu wangu ni mama, tuko na maafisa watano ni mama, kwa hivyo ni wajapange washirikiane na mawakili wa kaunti ili kupata haki ya urithi na tumetenga shilingi milioni 10 kusaidia wajane kujiandikisha na SHA ili wapate huduma za matibabu bila changamoto”,alisema Mung’aro.
Serikali imepiga marufuku uagizaji wa dawa za Antibiotiki na kusafirishwa na wahudumu wa bodaboda katika makaazi ya umma, ikisema mwenendo huo hautakubalika.
Waziri wa Afya nchini Adan Duele amesema serikali kupitia Wizara ya Afya nchini na Bodi ya dawa na sumu nchini zimeweka mikakati mwafaka ya kulinda afya ya wananchi.
Duale alisema wakenya hawafai kuilaumu bodi ya dawa na sumu nchini kutokana na sheria ngumu ilizotoa bali kuridhia hatua hiyo ili kuzuia madhara.
Akizungumza wakati wa warsha ya mikakati ya kuboresha afya ya umma, Waziri Duale alisema hatua hiyo inaanza kutekelezwa mara moja, huku akisisitiza kwamba serikali haitalegeza kambi katika kulinda afya ya umma.
“Kuanzia sasa hakuna tena kuagiza dawa za antibiotiki na kusafirishwa na wahudumu wa bodaboda kwani hatua hiyo ni hatari, wewe uko nyumbani kisha unaagiza dawa sini hiyo ni hatari, na hakuna kulaumu bodi ya dawa na sumu nchini kwa sababu tumeweka sheria hiyo”, alisema Duale.
Warsha ya watafiti wa kisayansi iliyiofanyika jijini Nairobi
Waziri huyo wa Afya nchini alishikilia kwamba hatua waliochukua mwafaka kwani italinda afya ya wananchi, akiwaonya wale wanaoendeleza bishara hiyo haramu. kusababisha madhara.
Taarifa ya Mwahoka Mtsumi
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
