News
Wahudumu wa pikipiki za umeme Kilifi walalamikia mabadiliko ya bei za kubadili batri
Wahudumu wa pikipiki za umeme mjini Kilifi kaunti ya Kilifi wameandamana wakilalamikia mkanganyiko ulioibuka upande wa bei za kubadili batri pamoja na huduma za pikipiki hizo.
Wakizungumza mjini Kilifi wahudumu hao walisema mabadiliko ya bei za batri za pikipiki hizo yamewachangia kupata hasara kutokana na mda wa matumizi kulingana na urefu wa mwendo, vile vile bei za kuzibadilisha kituoni.
Wakiongozwa na Benson Safari Thuva, wahudumu hao walisema batri za sasa hazidumu wa matumizi yao wakishinikiza kampuni inayosimamia pikipiki hizo kuangazia matatizo hayo.
Wahudumu hao walisema wanapitia ugumu wa kutengeneza pikipiki zao wakati zinapoharibika kutokana na uhaba wa vituo vya kurekebisha pikipiki, vile vile wamekuwa wakizuiwa na wahudumu wa vituo vya kuuza mafuta wakati wanapohitaji huduma za kujaza upepo.
Waliitaka serikali kupitia kwa rais William Ruto kuilingilia kati masaibu wanayopitia wanaboda boda nchini, wakisema wanaingia hasara ilihali wanamajukumu mengi ya kifamilia.
Kwa upande wake afisa msimami wa mradi katika kampuni ya pikipiki hizo za Spyro Baraka Underson alisema mabadiliko hayo yalitokana na malalamishi ya wahudumu wenyewe japo kwa sasa yanaangaziwa.
Taarifa ya Joseph Jira
Serikali ya kaunti ya Kilifi imedai kwamba imetenga shilingi milioni 10 kusimamia huduma za afya kwa wajane
Gavana wa Kilifi Gideon Mung’aro aliwataka wajane na wanawake ambao bado hawajajisajili katika SHA, kutumia fursa hiyo ili iwe rahisi kwao kupata huduma za matibabu hospitalini.
Mung’aro aliwataka Wanawake wa kaunti ya Kilifi kuanza mchakato wa kuwasajali wajane katika SHA, akisema serikali ya kaunti iko na mipango ya kuhakikisha wananchi wake wanapata huduma za matibabu bila changamoto.
Kiongozi hiyo pia alisema mikakati mwafaka imeidhinishwa kuhakikisha changamoto za urithi wa mashamba kwa akina wajane inashughulikiwa kupitia mawakili wa serikali ya kaunti.
“Naibu wangu ni mama, tuko na maafisa watano ni mama, kwa hivyo ni wajapange washirikiane na mawakili wa kaunti ili kupata haki ya urithi na tumetenga shilingi milioni 10 kusaidia wajane kujiandikisha na SHA ili wapate huduma za matibabu bila changamoto”,alisema Mung’aro.
Serikali imepiga marufuku uagizaji wa dawa za Antibiotiki na kusafirishwa na wahudumu wa bodaboda katika makaazi ya umma, ikisema mwenendo huo hautakubalika.
Waziri wa Afya nchini Adan Duele amesema serikali kupitia Wizara ya Afya nchini na Bodi ya dawa na sumu nchini zimeweka mikakati mwafaka ya kulinda afya ya wananchi.
Duale alisema wakenya hawafai kuilaumu bodi ya dawa na sumu nchini kutokana na sheria ngumu ilizotoa bali kuridhia hatua hiyo ili kuzuia madhara.
Akizungumza wakati wa warsha ya mikakati ya kuboresha afya ya umma, Waziri Duale alisema hatua hiyo inaanza kutekelezwa mara moja, huku akisisitiza kwamba serikali haitalegeza kambi katika kulinda afya ya umma.
“Kuanzia sasa hakuna tena kuagiza dawa za antibiotiki na kusafirishwa na wahudumu wa bodaboda kwani hatua hiyo ni hatari, wewe uko nyumbani kisha unaagiza dawa sini hiyo ni hatari, na hakuna kulaumu bodi ya dawa na sumu nchini kwa sababu tumeweka sheria hiyo”, alisema Duale.
Warsha ya watafiti wa kisayansi iliyiofanyika jijini Nairobi
Waziri huyo wa Afya nchini alishikilia kwamba hatua waliochukua mwafaka kwani italinda afya ya wananchi, akiwaonya wale wanaoendeleza bishara hiyo haramu. kusababisha madhara.
Taarifa ya Mwahoka Mtsumi
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
