News
Rais Ruto afungua rasmi kituo kipya cha reli cha Miritini kisiwani Mombasa
Rais William Ruto amefungua rasmi kituo kipya cha reli cha Miritini kisiwani Mombasa.
Katika taarifa yake wakati wa uzinduzi huo Rais Ruto alisema abiria watakuwa wakilipa shilingi 50 pekee kutoka mjini Mombasa hadi katika kituo hicho cha reli.
Rais Ruto alisema kituo hicho kitasaidia katika kuimarisha uchukuzi na pia ni sehemu ya juhudi za serikali kuendeleza miundombinu ya reli nchini.
‘’Bei ya kutoka hapa kisiwani Mombasa hadi katika kituo kipya cha reli itakuwa itatoka hiyo shilingi mia tatu kwa matatu, shilingi mia nane kwa teksi mpaka shilingi hamsini’’ alisema Rais Ruto.
Kituo hicho kinatarajiwa kuhudumia takriban watu elfu nne kwa siku na kimegharimu zaidi ya shilingi billioni 6, lengu kuu likiwa ni kusaidia kupunguza msongamano wa magari katika barabara mbalimbali jijini Mombasa.
Rais Ruto anaelezwa mipango ya ujenzi wa kituo cha Reli
Rais Ruto pia alisema mikakati inaendelezwa kuimarisha kaunti za pwani kimaendeleo na bandari ya Mombasa itapanuliwa ili kubuni nafasi mbalimbali za ajira kwa wenyeji.
‘’Nimezungumza na baadhi ya wawekezaji kuhakikisha tunafanikisha miradi ya maendeleo hapa pwani’’ Aliongeza Rais Ruto.
Vilevile, rais Ruto alisema shilingi bilioni 4.6 zimetengwa ili kufaniuisha ujenzi wa barabara mbalimbali katika kaunti ya Mombasa.
Taarifa ya Janet Mumbi
Serikali ya kaunti ya Kilifi imedai kwamba imetenga shilingi milioni 10 kusimamia huduma za afya kwa wajane
Gavana wa Kilifi Gideon Mung’aro aliwataka wajane na wanawake ambao bado hawajajisajili katika SHA, kutumia fursa hiyo ili iwe rahisi kwao kupata huduma za matibabu hospitalini.
Mung’aro aliwataka Wanawake wa kaunti ya Kilifi kuanza mchakato wa kuwasajali wajane katika SHA, akisema serikali ya kaunti iko na mipango ya kuhakikisha wananchi wake wanapata huduma za matibabu bila changamoto.
Kiongozi hiyo pia alisema mikakati mwafaka imeidhinishwa kuhakikisha changamoto za urithi wa mashamba kwa akina wajane inashughulikiwa kupitia mawakili wa serikali ya kaunti.
“Naibu wangu ni mama, tuko na maafisa watano ni mama, kwa hivyo ni wajapange washirikiane na mawakili wa kaunti ili kupata haki ya urithi na tumetenga shilingi milioni 10 kusaidia wajane kujiandikisha na SHA ili wapate huduma za matibabu bila changamoto”,alisema Mung’aro.
Serikali imepiga marufuku uagizaji wa dawa za Antibiotiki na kusafirishwa na wahudumu wa bodaboda katika makaazi ya umma, ikisema mwenendo huo hautakubalika.
Waziri wa Afya nchini Adan Duele amesema serikali kupitia Wizara ya Afya nchini na Bodi ya dawa na sumu nchini zimeweka mikakati mwafaka ya kulinda afya ya wananchi.
Duale alisema wakenya hawafai kuilaumu bodi ya dawa na sumu nchini kutokana na sheria ngumu ilizotoa bali kuridhia hatua hiyo ili kuzuia madhara.
Akizungumza wakati wa warsha ya mikakati ya kuboresha afya ya umma, Waziri Duale alisema hatua hiyo inaanza kutekelezwa mara moja, huku akisisitiza kwamba serikali haitalegeza kambi katika kulinda afya ya umma.
“Kuanzia sasa hakuna tena kuagiza dawa za antibiotiki na kusafirishwa na wahudumu wa bodaboda kwani hatua hiyo ni hatari, wewe uko nyumbani kisha unaagiza dawa sini hiyo ni hatari, na hakuna kulaumu bodi ya dawa na sumu nchini kwa sababu tumeweka sheria hiyo”, alisema Duale.
Warsha ya watafiti wa kisayansi iliyiofanyika jijini Nairobi
Waziri huyo wa Afya nchini alishikilia kwamba hatua waliochukua mwafaka kwani italinda afya ya wananchi, akiwaonya wale wanaoendeleza bishara hiyo haramu. kusababisha madhara.
Taarifa ya Mwahoka Mtsumi
Kaunti ya Kilifi yatenga shilingi milioni 10 kusimamia wajane kwa SHA
Serikali imepiga marufuku uagizaji wa dawa za Antibiotiki kwa umma
